புல்லட்டின் டுமீல்

ககூனமடாட்டா

2010-05-04T21:24:00.022+05:30

யாழ்ப்பாணத்துக்கு கரண்ட் வந்த நேரம் - 1996 இல எண்டு நினைக்கிறன் - அப்பா லயன் கிங் எண்டு கொஞ்ச படங்கள் கொண்டு வந்தார் .. அனி மேட்டட் படங்களை பாத்து வாயப்பிளக்கத்தொடங்கினது அப்பத்தான்.. அதில லயன்கிங் 1.5 எண்ட படத்தில ககூனமடாட்டா எண்ட ஒரு வசனம் வரும்.. அப்பிடீன்ன கவலையே இலலாமைன்னு அர்த்தம்.. அதை அடையிறதுக்கு see beyond What you See ங்கிறதுதான் தாரக மந்திரமாம்னு ஒரு கிழட்டுக்குரங்கு சொல்லும்.. அது மனசில ஆழமா பதிஞ்சிட்டுது..

நீ இப்ப உனக்கு கிட்டவா தெரியிற இலக்குகளை மட்டுமல்லாமல் , அங்கால தள்ளி தெரியிற இலக்குகள‌ையும் பாக்கணும்.. அதுதான் அந்த வசனத்தோட தார்ப்பரியம்..

செஸ் விளையாட்டை எடுத்துக்கொண்டீங்களெண்டால் ஒரு மூவ் பண்ணும் போது அதுக்கடுத்த 64 மூவ் பற்றி சிந்திக்கவேணும்.. ஒரு எக்சாமுக்கு காசு கட்டிறீங்களெண்டால் பைனல் எக்சாம் வரைக்கும் போக வசதிவருமா எண்டு யோசிக்கணும்..

அப்பிடி யோசிச்சு வாழ்ந்தா நிச்சயம் லைப் நல்லாத்தான் இருக்கும்.. இருபத்தைஞ்சு வயிசில நல்ல வேலைக்கு போய் , சொந்தக்காசில அம்மாவுக்கு சாறி எடுத்துக் குடுக்கணும் , நம்ம பக்கத்து வீட்டு பிகருக்கு பவுடர் வாங்கி குடுக்கணும் , எண்டு விதவிதமா யோசிச்சு ஓலெவல் படிக்கிறதில ஒரு சுகமப்பா..
ககூனமடாட்டா! :)

இப்போ 25 வயசாயிடுச்சு.. நல்ல வேலைக்கு போயாச்சு.. அம்மாவுக்கு சாறியும் எடுத்து குடுத்தாச்சு.. ( ஆனா பக்கத்து வீட்டுக்கு பிகருக்குதான் எவனோ கிழவாடி கனடாவிலருந்து வந்து பவுடரப்போட்டுட்டான்.. அதை விடுங்க.. :( ) ..

இப்போ இந்த வயசில கலகல ஜலஜல எண்டு இருக்கும்போது , ட்ரிப்புகள் போகும் போது, ஜாலியா இருக்கும்போது , ரோட்ல டைட் டீசேட் போட்டு மசில்ச காட்டி நடக்கும் போது , பிகருகள் ரகசியமா பாக்கிறதை ரசிக்கும்போது , இதுதான்டா சொர்ககம் எண்டு புல்லரிக்கும்.. எதையும் சாப்பிடலாம் , எதையும் ரசிக்கலாம், பாடலாம் ஆடலாம் பகிடிவிடலாம், டெங்கு நுளம்பு வந்தா ஏய் இங்க குத்தேன் ஏய் இங்க குத்தேன் எண்டு லுலுலாயி காட்டலாம்.. மதர் மதர்ப்பு தெனாவட்டு இளரத்தம்.. அப்பிடி வாழ்க்கை இனிக்கும் போதுதான் குறுக்கால ஒரு கிழவன் போனான்.

கால்மூட்டெல்லாம் தேஞ்சு, 2 தரம் பைபாஸ் செஞ்சு, வாதம் வந்து , கண்பார்வை போய், பின்னாடி வாற ஓட்டோக்காரன் ஹோண் அடிச்சது கேக்காம அவன் கிட்ட ” கிழட்டு முண்டம் வயசானா வீட்ட கிடந்து சாவுறதுதானே ” எண் பேச்சு வாங்கிட்டு தட்டுத்தடுமாறி விழப்பாத்து என்னில தாங்கிப்பிடிச்சிட்டு பரிதாபமா ஒரு சிரிப்பு சிரிச்சிட்டு தாண்டிதாண்டி போனான்..

ஒருவித இனம்புரியாத அதிர்ச்சி..
மறுபடி கனகாலத்துக்கு பிறகு ”ககூனமடாட்டா ”.

வயசு போய் மண்டையப்போடுறது ஒரு கரையா இருந்தாலும் , அதில எத்தினை பிடுங்குப்பாடுகள்? வாழ்க்கை சந்தோசமா இருக்க காரணமான சகல சாமானும் ஒரு 50 வயசில போக தொடங்கிடும்.. கண்ணு , காது , மூக்கு , நாக்கு எண்டு எல்லாம் ப்யுஸ் போய் , இப்போ தேக்கு இருக்கிற பாடி , பின்னாடி சக்கு மரத்தில செஞ்ச பாத்ரூம் கதவு மாதிரி ஆயிரும்..

ஆகவே அதே ககூனமட்டாட்டா ..... இப்போ சந்தோசமாயில்ல..

நாமளும் தூரத்தில வாற ஆள் மங்கலா தெரிய நொண்டி நொண்டி உடம்பெல்லாம் நோக கிட்டபோய், ”ஆ? என்ன மோனை சொன்னனீஈஈஈ?” எண்டு வாய்கிழிய ‌ கத்திறத நினைக்க வயத்த கலக்கிச்சு..
எமன் எல்லாம் எருமைக்கு ஏசி போட்டுட்டு வந்தன்னா ஒரு கம்ஃபடபிள் சீட்டா பாத்து இப்பவே ஏறி ப்போயிரலாமுன்னு கூட நெச்சேன்.. எவ்ளோ கொடுரம்.. :-o

அப்போதான் கிட்டடியில யாழ்ப்பாணம் போனப்போ எங்க அம்மம்மா கூட கனநேரம் கதைக்க முடிஞ்சுது. ஏப்ரல் வெக்கையில யாழ்ப்பாணம் புழுங்குவதால பலாமரத்துக்கு கீழ கதிரைய போட்டு கடலைய போட்டுட்டிருந்தப்ப அந்த கேள்வியகேட்டேன்.. ”அம்மம்மா ! வயசு ‌போனது உங்களுக்கு கஸ்டமாயில்லயோ ? எல்லாம் முடிஞ்சுது எண்டு பயமாயில்லயோ? பழசை நெச்சு பாக்க மறுபடி அங்க போகமாட்டமோ எண்டு கவலையாயில்லயோ? ”
ஏதோ ஆறுதல் தேடி என்ட பயத்தை சொன்னேன்.. மனுசி 5 ஆம் வகுப்பு பாஸ் பண்ணிச்சோ தெரியல்ல.. ஆனாலும் சொன்னன்..

வாழ்க்கையில் சில விடயங்கள் பளாரெண்டு அறையும்.. அத மாதிரித்தான் அந்த மனுசி சொன்ன பதிலும்..

”என்னோட இருந்த , வளர்ந்த எல்லாரும் இப்ப இப்பிடித்தானேயாடா ராசா இருக்கினம் ? எங்கட வருத்த துன்பங்களை ஆளாளுக்கு சொல்லிக்கொள்றதிலயும் ஒரு பெருமைமாதிரி இருக்கும்.. அதுவும் ஒரு சுகம்தானடா! அண்டைக்கு நம்மோட படிச்சவளிண்ட செத்தவீட்டுக்கு போகேக்க அவளிண்ட பொடிய பாத்து எனக்கு சற்று பொறாமையாயும் பெருமையாயும் இருந்திச்சு மோன.. நாம வாழ்ந்து களைச்சது காணும்.. .இனி படுக்கைப்பாயில கிடந்து சீரழியாம போற வேலைய பாப்பம்” சொன்னபடி மனுசி தேத்தண்ணி வைக்கப்போச்சு.. அந்த வெக்கையிலும் அவாண்ட பிளேண்டிய குடிக்கிறதில எனக்கு ஒரு தனிருசி தெரிஞ்சுது..

வாழ்க்கையில அந்தந்த வயசில பலப்பலவிடயங்கள் பிடிக்கும்.. உதாரணமா 3 வயசில கலரடிக்கிற புத்தகம் வாங்கி கிறுக்க ஆசை.. அப்பிடியே 7 வயசில சின்ன ஆமிக்காரன் நிறைய வாற அந்த செட் வாங்கி தம்பியோட பிரிச்சு விளயாட ஆசை, அப்புறம் கிரிக்கட், றோட்டு சுத்துறது, அது இதெண்டு ஒவ்வொரு வயசிலயும் பலப்பல.. ஆனா இப்போ கலர் புத்தகத்தை கண்டா நிண்டு கிறுக்கதோணாது.. தூக்கி எறிஞ்சிட்டு போயிடுவம்.. ஏனெண்டால் வயசோட ஆசையளும் தேவையளும் மாறும்.. இப்ப நமக்கு பிடிக்கிறது பிறகு பிடிக்காமபோகும். அந்த நேரம் வேற ஏதாவது பிடிக்கும்.. இது நியதி.. நீங்களும் யோசிச்சு பாருங்க... உண்மைதானே? ஆகையால வயசு பேனாப்புறம் மனம் விரும்பிறது நமக்கு இப்ப புரியாது.. அப்ப கிடைக்கிறத வச்சு நம்ம மனம் சந்தோசப்பட்டுக்கும்.. அது சிலவேளை நம்ம கண்பார்வை குறையிறத நம்ம கூட ஸ்கூல்ல ஒண்ணா படிச்சவன் கூட பகிர்ந்துக்கிறதாயும் இருக்கலாம்.. ஆகவே டோன்ட் வொறி பீ ஹப்பீ....

உண்மைதானே.. உங்களோட பெஸ்ட் பிரெண்ட றோட்டு வழில கண்டு ”மச்சான் இப்ப ஒண்டுமே தெளிவா தெரியிதில்ல” எண்டு நீங்க சொல்ல அந்தாள் தன்ட நாரிப்பிடிப்பை பற்றி கதைக்க ரெண்டுபேரும் செத்துப்போன உங்கட ப்ரெண்டோட சேர்ந்து செஞ்ச குறும்பை நினைச்சு சிரிக்க.. நாம வாழ்ந்து முடிச்சவங்கடா எண்ட பெருமையோட றோட்டில சிரிச்சிட்டே நடக்கும்போது கிழடுங்க விழப்போகுதுங்க எண்டு தாங்கி பிடிக்க வாற இளவட்டத்தை பாத்து சிரிச்சிட்டு பொவீங்க.. இது நடக்கும் பாருங்களேன்.. :-)

ம்ம்.. Anyway, இப்போ மறுபடியும் இனிக்குது..
அதே ககூனமடாட்டா! :)

ஆகவே இப்பவே நமக்கு நெருக்கமான , நம்ம கடைசிக்காலத்தில நம்ம கூட சிரிச்சிட்டே சந்தொசமா மறையக்கூடிய உறவுகளை உருவாக்கிக்கொள்ளறது முக்கியம்பா.. முக்கியமா பொஞ்சாதி புருசன் எல்லாம் கவனமா செலக்ட் பண்ணணும்.. காசுக்கும் கனடாவுக்கும் ஆசைப்பட்டு கண்ட கஸ்மாலத்தையெல்லாம் கட்டினால் கடைசிக்காலத்தில தனிய இருந்து சுறா படம்தான் பாக்கணும்.. நல்ல நண்பர்களை யும் வாழ்க்கைத்துணையையும் தேடுவதில இளமைக்காலத்தை கொஞ்சம் இன்வெஸ்ட் பண்றதா நான் மடிவெடுத்திருக்கேன்.. நீங்க எப்பிடி? ;-)

வர்ட்டா! சேசே!
ககூனமடாட்டா ;)

கடுப்பைக்கிளப்பும் பெண்கள்- பார்ட் 3 ( strictly for men)

2010-03-12T18:04:00.031+05:30

கிட்டடியில பேஸ்புக்கில ஒரு பதிவு சும்மா அனல்தணலா பற்ந்துக்கிட்டிருந்திச்சு.. நம்ம பசங்களெல்லாம் பாஞ்சு பாஞ்சு பீல் பண்ணி கமெண்டு கல்கண்டெல்லாம் போட்டு "மாக்கு சுக்கர்பாக் " குக்கே (அவர்தாங்க பேஸ்புக் CEO வாம் ) சுகர் ஏற வைச்சிட்டாங்க..

நிஜமாவே அந்த பதிவு அவ்வளவு ருசி.. நானே நாலுதரம் படிச்சேன்.. ஒரு பெடியன் கண்ணீர்விட்டு அழுதெல்லாம் இருக்கானாம்.. எல்லாரும் பீல் பண்ணப்போ எனக்கு இந்த பதிவு போடுற ஐடியா வந்திச்சு.. என்னுடைய பதிவைப்படிக்க முன்னம் எல்லாரும் கீழ இருக்கிற லிங்கை கிளிக்கி அந்த பிரபல பதிவை படிச்சிட்டு வாங்க.. அது ஒப்சன்லாம் இல்ல... கொம்பல்சறி..

I love you-by Sainthavi

படிச்சிட்டீங்களா? அப்பிடியே குப்பிறக்கிடந்து குமுறிக்குமுறி பீல பண்ணாம மறுபடியும் வந்ததுக்கு தாங்க்ஸ்.. இப்போ பிரச்சனைக்கு வருவம்..

அந்த கடிதம் எழுதுற சைந்தவிதான் வயசுப்பசங்க எல்லாரும் எதிர்கால பிகரா மனசில வைச்சிருக்கிற ஒரு பாத்திரம்.. அதைத்தான் எல்லாப்பொடியங்களும் அழுது குழறி கமெண்ட் அடித்ததன் மூலம் அக்செப்ட் பண்ணியிருக்காங்க.. பட்.. அதில ஒரு விபரீதம் இருக்கு..
ஏனெனில நிஜம் ரணமானது..

நமக்கொரு நல்லபழக்கம், அதாவது கலியாணம் கட்டியிருக்கிற காளைங்க எதையாவது கண்டால் அதுங்களை கூப்பிட்டு ஒருக்கா மணியை ஆட்டிப்பார்ப்போம் (யொவ் கழுத்தில கட்டியிருக்கிறதைய்யா) .. முதல்ல ம்ஹூம் எண்டு முரண்டு பிடிச்சாலும் ஆத்தாக்டைசில ஆஊ எண்டு அழுதுகுழறி எல்லாத்தையும் உளறிக்கொட்டி மூக்கைச்சீறி நம்ம சேட்டுப்பொக்கெட்டில துடைச்சிட்டு போயிட்டிருப்பாங்க.. கேட்ட நாம ஆடிப்போயிடுவோம் எப்டி இருந்த மனுசன்னு இப்டி ஆயிட்டாரேன்னு ! அவ்ளோ கொடுமை அனுபவிக்கிறாங்கப்பா நம்ம சீனியர்ஸ்.. ஆகவே நாமளும் நம்மள அந்த ஓர்டியலுக்கு ப்ரிப்பேர் பண்ண உங்களுக்கு சில அட்வைசுகள் தர்றேன்..

கடிதத்தில உள்ளமாதிரி அவா உங்கள ஏழுவருசம் லவ் பண்றது எப்ப சாத்தியம்னா - தன்னை விட தனக்கு தெரிஞ்ச எவளும் வசதியா வாழலை எண்டு தலைமைக்கு தெரியும் வரைக்கும்தான்.. தெரிஞ்சுதோ நீங்கள் பஜகோவிந்தம் பஜகோவிந்தம் எண்டு பாடினபடிக்கு ஏதாச்சும் பகவான் பஜனைக்கு போய் ஸ்ரெய்ட்டா சன்டீவில வரவேண்டியதுதான்..

அப்புறம் வீட்டு வேலை செய்றது.. ஒருக்கா காலைல தேநீர்போட்டு காட்டிவிட்டால் வாழ்க்கைபூரா அந்தவேலை உங்க தலைலதான்.. உலகம் ஒரு நாடகமேடை .. குசினி ஒரு மினிமேடைன்னுட்டு , காலைல அவா கபேட்டில இருக்கிற கரப்பானலாம் செத்துவிழுகிறமாதிரி ஒரு நாறக்கொட்டாவியை விட்டுட்டுவரும்போது , வாயெல்லாம் பல்லாக , கையில காபியோட குட்மார்னிங் டியர்னுட்டே நீட்ட முடியுமாயிருந்தா 7 வருசம் அவ உங்கள லவ்வுறது 20% சாத்தியம்..

அப்புறம் சண்டை பிடிக்கிறது.. உங்க அப்பா மூக்கால ஒண்ணுக்‌கு போவாராமே எண்டு வெங்காயத்தனமா சொல்லிட்டு , தான் ஏதோ சார்ளிசாப்ளின் தங்கச்சி , வேர்ல்ட் கிளாஸ் காமெடி பண்ணியிருக்கேன்கிற மாதிரி உங்களை பாத்திட்டிருப்பாங்க... நீங்களும் அதிர்சில வெளில வந்த முழியை உள்ளிழுத்து , ஐம்புலங்களையும் அடக்கி அதை வாயூடாக கடகடவென்ற சிரிப்பொலியாக வெளிப்படுத்த வேண்டும்.. ஆனா பதிலுக்கு நீங்க , அவவோட மறைகழண்ட ஆத்தா நாயின்னு நினைச்சு வளர்த்த தேவாங்கையோ , இல்லை உடும்புன்னு நினைச்சு உரிச்சித்தின்ன ஓணானைப்பற்றியோ கதையில் இழுத்தால் பரலோகத்திலிருக்கும் பரமபிதா உங்களுக்கு காது வழியாக காட்சி கொடுப்பார் , அவ்ளோதான்..

ஆகவே ,மேற்கூறிய அறிவுரைகள் கடைப்பிடிக்கப்படும் சந்தர்ப்பத்தில் உங்களுக்கு 7வது வருடம் பாஸ்பண்ண 40% சந்தர்ப்பம் உண்டு..

தொடர்ந்து சுதந்திரம்...
இரவு ரெண்டு மணிக்கெல்லாம் வீடு வரும் வாலிபர்களுக்கு கலியாணம் கட்டி முதல் 3 மாசம் ஒரு புது பொழுது போக்கிருப்பதால ( ;) ) வேளைக்கு வீட்ட வர ‌துடியா இருக்கும்.. அப்புறம் எல்லாப்க்கத்தலயும் ஆராஞ்சு எல்லாம் அலுத்த பிறகு மறுபடியும் வெளில‌ மேய ஆரம்பிக்கும்போதுதான் சாப்பாட்டு சட்டி சடாரெண்டு வைபடும்.. கிச்சினுக்குள் டம்ளர் உருளும்.. பரிமாறும்போது வாய்க்குள்ள ஏதோ மந்திரம் ஓதுப்படும்.. என்னண்டு கேட்டா சில சென்மங்களுக்கு எதுக்கு கலியாணம் எண்டு குத்துமதிப்பா ஒரு கேள்விவரும்.. அப்புறம் மிச்சத்தை நான் சொல்லணுமா? இப்பவும் நினைக்கிறீங்களா 7 வருசம் தாக்குபிடிக்கும்னு? :P

பிரெண்ட்ஸ் கூட தனியா ஒரு டூர் போகமுடியாது.. ஆனா தாங்க மட்டும் ஒபிசில டூராம் போயிக்கிறேன் அம்மா கிட்ட சாப்பிட்டுக்குங்க எண்டு காலைல தலைமாட்டில துண்டில எழுதிவச்சிட்டு போயிடுவாங்க..

அதோட அவங்களுக்கு ஆயிரத்தெட்டு ஹோமோன் ப்ரொப்ளம் இருக்காம்.. ஏதாவது சத்தம் போட்டுட்டு திங்கக்கிழமை ஈஸ்ரோஜின் பிரச்சனைப்பா அதுதான் திட்டிட்டேன்.. நேத்து ஓஸ்ரோஜின் குறைஞ்சிடிச்சு அதுதான் குட்டிட்டேன்.. இன்னிக்கு சஸ்ரொஜின் கூடிடுச்சு (ஆங்! அது ஏதோ குடிக்கிற மாவில்ல? பரவால்ல ஒரு ப்ளோவா வருதுதானே. விடுங்க விடுங்க. ) அதுதான் லைட்டா பொடனில தட்டிட்டேன் எண்டு 30 நாளைக்கும் அவங்களுக்கு ஏதாச்சும் ஊறும்.. அதை பாடமாக்கி நம்ம பவுடர் போட்டிட்டுருப்பாங்களாம்.. ரத்தக்களரி பாஸ்.. இப்பசொல்லுங்க 7 வருசம் தாங்குமா?

இப்பிடியே சொல்லிட்டுபோனா பதிவு பாரதம் மாதிரி ஆயிடும்.. முடிவா என்னன்னா குறித்த பதிவில இருக்கிறமாதிரி 7 வருசத்துக்கப்புறமம் அந்த சைட்லருந்து லவ் இருக்கணும்னா ஆம்பிளைங்க ஏராளமான தியாகங்களை செய்யணும்.. ஆகவே பொம்பளைங்கள குற்றம்சாட்டுவதற்கு பதிலா நீங்க காலையில நாலுமணிக்கு எழும்பி காபி போட்டு பழகுங்க மக்கா!

மிகுதியை அப்புறமா இன்னொரு பதிவில சொல்றேன்.. நேரமாச்சு வர்ட்டா! சேலை துவைச்சு பழகணும்..

*********************************************************

பிகு: அந்த பதிவு மனசுள்ள லபக்குன்னு ஏறி இருக்க , அந்த கடிதம் எழுதுற அழகிய பிள்ளைன்ட படமும் ஒரு முக்கிய காரணம்.. இப்பிடி லிங்கிலhttp://www.qualityhealth.com/resources/creative/craig/images/case2-framed.jpg) இருப்பது பொல ஒரு (படத்தை போட்டிருந்தா வாசிச்வனுக்கு காலைல கண்டிப்பா கன்ஸ்டிப்பேசன்தான்..

பிபிகு: அப்பாவி ஆண்சமூகத்துக்கு ஆதரவான அனைவரும் கட்டாயம் ஓட்டிடவேண்டும்.. செய்வார்கள் என்ற நம்பிக்கை உண்டு.. வாழ்க அப்பாவி ஆணினம்..

பிபிபிகு: ஆண்பெயரில் வரும் பெண்களுக்கு அலிபாபா சுவாமிகளின் அந்தரங்க சிடி கொரியரில் அனுப்பிவைக்கப்படும்..

புல்லட் மிக்ஸ்

2010-03-06T10:45:00.025+05:30

தமிழினமே ஒன்றாகப்பார்த்த நீலப்படம்

எல்லாரும் போட்டு பிழிந்தெடுத் துவிட்ட விடயம் இது.. இனி நானும் கிழிக்க வேண்டிய அவசியமில்லை... ஆனால் அந்த சம்பவத்திலிருந்து படிக்க வேண்டிய சில விடயங்கள் இருக்கிறது.. அவற்றை நாம் ஆராய்வோம் ..

நித்தியின் படுக்கையறையின் உள்ளேயே கொண்டு போய் கமராவை வைத்துள்ள படியால் , அந்த மடத்தினுள் நடந்த ஏதோ உட்கசப்புகள்தான் இத்தனைக்கும் காரணம் எனத்தெரிகிறது.. எவனோ கூட இருந்து கழுவித்துடைத்தவன்தான் தேரை இழுத்து தெருவில் விட்டிருக்கிறான்..

காசு விடயங்களிலும் சரி , பெண் விடய்ஙகளிலும் சரி , ரகசியமாக ஈடுபடுவதானால் நெருங்கியவர்களை , அதிலும் அந்த ரகசியங்களை அறிந்தவர்களை ஒருபோதும் பகைக்கக் கூடாது..

காரியதரிசியுடன் படுக்கைக்கு செல்வதும் , ட்ரைவருடன் தண்ணியடிப்பதும் உன் சந்தோச வாழ்க்கையின் முடிவென்று என் மனேஜர் ஒரு முறை சொல்லியிருந்தார்..

நித் யாசாமி கீழுள்ளவர்களை வடிவாக கவனிக்காததோ இல்லை அந்த நடிகை யுடன் ஜல்சா பண்ணுவதை பிடிக்காத சிலர் ஆசிரமத்தில் இருந்ததோதான் இத்தனைக்கும் காரணம் என்பது என் கருத்து.. கட்டையில போனவன் கமராவை சாமியின் கவட்டிலேயே கட்டித் தொங்கவிட்டிருக்கிறான்.. எல்லாற்ற கதவையும் திறக்கச் சொன்னவர் தன்ட கதவையும் திறந்விட்டுட்டார் ... இப்ப எங்கிட்டு எப்பி‌டி என்னத்தை யோசிசிட்டு இருப்பாரோ? நானாயிருந்தால் தூக்கில் தொங்கியிருப்பேன்.. எப்படி இனி உலகத்தின் மூஞ்சையில் முழிப்பது?

கதவைத்திற ஆனால் கவடு பத்திரம்: நித்தியானந்த பரமஹம்சர் newly updated

எனக்கு சாமி க்கு கால் பிடித்து விட்டதோ இல்லை ஆங்கில பலான படங்களில் வருவது போல கண்டபடியெல்லாம் கசமுச செய்வதோ உறுத்தவில்லை .. ஆனால் அதை காவி உடையில் செய்ததுதான் அருவருப்பாக இருக்கிறது.. ஒரு நெறியையே அவமானப்படுத்திவிட்டான் நாசப்பயல்.. காவி துறவறத்தின் அடையாளம் இல்லையா?

இதற்கும் முந்தி அமெரிக்கன் கழிப்பறையில் பிள்ளையார் படத்தை போட்டதற்கும் என்ன வித்தியாசம்?

அதெல்லாம் கிடக்க, உந்த சாமியார்களி்டம் போன பொண்டுகள் , தங்கட புருசான்மாரை எப்பிடி பாக்கப்போகினம் ?.. அதிலும் சர்ச்சை புகழ் சாருநிவேதிதா என்ற எழுத்தாளர் இது குறித்து உளறியுள்ளதை ஒரு நண்பர் மெயிலில் அனுப்பியிருந்தார்.. அவற்ற மனுசியும் அந்த சாமியிண்ட ஆசசரமத்திலதான் படுத்து கிடந்ததாம்.. அதை கூச்சமில்லாம சொல்லுது மனுசன்.. அந்தாளை எல்லாம் ஏன் ஒரு கூட்டம் மதிக்குதென்று எனக்கு புரியவில்லை..

தான் இவ்வளவு காலமும் சாமிக்கு காவடி எடுத்ததை ஒரு வரியில் ”விட்றுவிட்று ” என்று சமாளித்துவிட்டு , கள்ளச்சாமியவன் நடிகையை நக்குவதாகவும் நாசப்பயலெனவும் , உதெல்லாம் தனக்கு முன்னமே தெரியுமெனவும் சொல்கிறார் இந்த நிவேதிதா!.. உன்னை நம்பி நான் அவருக்காக பணம் செலவழித்தேன் என்று கடிந்த ஒருவருக்கு உன்னை யாரடா வாசிக்க வரச்சொன்னது என கேட்கிறார்? என்ன கொடுமை? கொஞ்சமாவது மூளையுள்ளவன்தான் மற்றவனுக்கு ஏதாவது சொல்லவேண்டும்.. உப்பிடியான சோணங்கிகளை கள்ளச்சாமிகளின் கால்நக்கிகளை கூடக்கழுவில் ஏற்றவேண்டும்...

சரி விடுவம்.. உவங்களைப்பற்றி கதைச்சு என்னாவறது? நம்ம வேலையப்பாப்பம்!

more and more to come

மெயில் நண்பர்கள்

ஆரம்பத்தில் என் ப்ளொக் மெயில் ஐடியில் ஒரு நாளைக்கு ஆககூடியது ஓரிரு மெயில்கள் வரும்.. சில வேளை கிழமைக்கணக்கில் எதுவுமே வராது .. வருவதும் , அனேகமாக யாராவது பெடியங்கள் பெண்கள் பெயரில் ஐ லவ் யு என்று அனுப்புவார்கள்.. ஆகவே நான் அதிகமாக திறப்பதில்லை.. ஆனால் இப்போ நிலை வேறு ..

ஒரு வாரத்தின் பின் நேற்று மெயிலை திறந்தபோது எதை படிப்பது என்று தெரியாமல் FIFO முறையில் வாசித்து பதிலனுப்ப தீர்மானித்துள்ளேன்.. நெருங்கிய நண்பர்களின் மெயிலும் அதற்குள் மூழ்கிக்கிடப்பதால் அவர்கள் ஏன் பதிலனுப்பவில்லை என கடிகிறார்கள்..

உண்மையில் இந்த பிரச்சனைக்கும் இந்த சாமியார்கள் பிரச்சனைக்கும் ஒரு நெருங்கிய தொடர்புண்டு.. அதற்காகத்தான் எழுதுகிறேன்..

இந்த மெயில் குவிப்பு ஆரம்பித்தது நான் மொக்கைகளிலிலருந்து வாழ்க்கைத்தத்துவங்கள் அது இது என்று சீரியசாக சில பதிவுகள் எழுத ஆரம்பித்ததன் பின்பே.. அதைப்படித்துவிட்டு ”தனக்கும் அப்பிடித்தான்..” ,” எனக்கு இப்படி ஒரு பிரச்சனை உங்களுடன் பகிர்வதில் ஏதோ ஆறுதல் ” என்று வருபவை தான் அதிகம்... நானும் அடடா நம்மை நம்பி ஏதோ அட்வைஸ் எல்லாம் கேட்கிறாங்கள் என்று உடனடியாக றிப்ளை பண்ணி விடுவேன்..

என் பதிலில் நாலைஞ்சு கடிகளும் கட்டாயம் நடுவில் இருககும்.. இருந்தும் அவர்கள் விரும்புகிறார்கள்... இந்த திடீர் புல்லட் ஆனந்தா அவதாரம் திணிக்கப்பட்டதன் காரணத்தை நான் ஆராயத்தலைப்பட்டபோதுதான் விளங்கியது இந்த சாமியார்கள் சனத்தை திரட்டுவதன் சூட்சுமம்..

எல்லா மனிதருக்கும் கவலை உண்டு.. அதை தீர்க்க மனிதர்கள் ஆறுதல் தேடுகிறார்கள்.. அப்படி தருபவர்களை மலைபோல் நம்புகிறார்கள்.. தமது intimate zone அனுமதிக்கிறார்கள்.. அதை சில களவாணிகள் தமக்கு சாதகமாக பயன் படுத்தி கொண்டு பணத்தை சுரண்டி கற்பை களவாடி நேரத்தை சூறையாடி கடைசியில் நடுத்தெருவில் விட்டுவிட்டு சன்டீவியில் மிட்நைட்மசாலாவில் நதிர்தினா தினனனா! என்று பாடிக்கொண்டு வருகிறார்கள்.. ஆகவே யாரையும் நம்பி உங்கள் மனக்கவலைகளை கொட்டாதீர்கள்..(என்னிடம் கூடத்தான்)

be more careful while spilling them

எப்படியிருந்தாலும் உந்த மெயில் flooding ஒரு வித சந்தோசமே... ஆனால் சிலர் சம்பந்தமில்லாமல் கேள்வி கேட்பார்கள்.. காமெடியாக இருக்கும் .. அதற்கு காட்டமான பதில்கள்தான் அனுப்புவேன்...கடைசியாக அப்படியானதொரு மெயிலில் ஒரு பகுதி.. ( நண்பர் மன்னிக்கவும்..:) )

”எனக்கு திருமணம் செய்ய மிகவும் பயமாக உள்ளது புல்லட்! வீட்டில்நிச்சயித்துவிட்டார்கள்.. பெண்அழகாக இருக்கிறாள்.. ஆனால் சரியான வாய் போல இருக்கிறது.. எல்லா இடத்திலும் அவளை திருப்பதிப்டுத்த முடியுமோ என அஞ்சுகிறேன்..”

பதில்:

இதை ஏன் என்னிடம் கேட்கிறீர்கள்? உங்களுக்கு நம்ம சிலோன் மாத்ரு பூதத்தை நான் ரெகமண்ட் செய்கிறேன்.. :D

சரி.. ஒன்றுக்கும் கவலைப்படாதீர்கள்.. நித்தயானந்தாவின் நீலக்கிளிப் பார்த்திருப்பிர்கள்தானே? எந்தப்பெரிய சாமி அவர்? அவரே ஆட்டுமாமிச லேகியம் போட்டுட்டுதான் பெபோமன்ஸ் குடுக்கும்போது உங்களுக்கு ஒரு சிட்டுக்குருவி லேகியமோ இல்லை ஒரு பலாக்கொட்டைக்குருவி லேகியமோ கிடைக்காமலா போய்விடும்? ‌எஞ்ஜோய் ப்ரதர் எஞ்ஜோய் .. பிள்ளைண்ட பிறந்தநாளைன்னிக்கு சொக்கா அனுப்ப மறந்திடாதீங்க ..

இதுக்குப்பிறகும் அந்தாள் மெயில் அனுப்பினா அவற்ற வுட்பியின் போன் நம்பரைக்கேட்பதாக உள்ளேன்.. இப்பிடியான மெயில்கள் அனுப்பினா பதில் இப்பிடித்தான் வரும் குறைநினைக்காதீங்க பப்ளிக்..

ஜாலி யால சபாரி

கடந்தவாரம் இலங்கையின் யால வனாந்தரப்பகுதிக்கு safari ஒன்றுக்கு சென்றிருந்தேன்.. 3 தினங்கள் தங்கியிருந்து மகிழ்ச்சியின் உச்சத்தை அனுபவிக்க முடிந்தது.. உச்சகட்டமாக , காட்டினுள் , கரடிகள் முதலைகள் சூழ்ந்திருக்க ஒரு ஆற்றங்கரையில் டென்ட் அடித்து பாபேக்யு போட்டு ரணகளப்படுத்தினோம்.. இரவு எந்த செயற்கையுமில்லாத அந்த காட்டுப்பகுதியில் , தெளிவானத்தில் முழு நிலாவை படுத்திருந்து நெற்றிக்கு நேர்மேலே பார்த்த அனுபவத்தை சாகும் வரை மறக்கமுடியாது.. அத்துடன் யானை காட்டுபபன்றி காட்டெருமை சிறுத்தை மயில் காடை கௌதாரி , காட்டுக் கோழி , மான் , மரை , பாம்பு , அது இது என்று
ஏராளமான மிருகங்களை அவற்றின் இயற்கைச் சூழலில் பார்க்க முடிந்தது..

இயற்கை ரசிகர்கள் அனைவரையும் கட்டாயம் ஒரு முறை விசிட் செய்யச்சொல்வேன்.. பாதுகாப்பு அது இது என்று எதுவிதமான தடங்கலும் இல்லை.. உண்மையைச்சொல்லப்போனால் தற்போது இலங்கை அமைதியாக இருக்கும்போது மிக அழகாக இருக்கிறது..

நாம் உணவட்டுண பீச், காலி blow hole அது இதென்று திரிந்து , ஒரு பத்து யானை நாலுமாசத்துக்கிருந்து சாப்பிடக்கூடிய சாப்பாட்டு ஐட்டங்களையெல்லாம் தின்று தள்ளியும் 8 பேர் 60000/= க்குள் சமாளிக்க கூடியதாயிருந்தது.. மிகவும் அருமை..

பிகு: நாம் தங்கியிருந்தது http://yalaedge.com/ மிகவும் அருமையான சேவை.. சமையல் மற்றும் காம்பிங் தொடர்பான சகல வசதிகளையும் இன்முகத்துடன் செய்துதந்தார்கள்.. மிகவும் தரமாயிருந்தது..

மிக்ஸ் நீண்டு விட்டதால் அடுத்து ஏதாவது நல்ல பதிவுடன் சந்திப்போம்.. நன்றி..

90/10

2010-02-22T22:07:00.007+05:30

வாழ்க்கையில் சில விடயங்கள் யாரும் சொல்லும் போது ஏற்கத்தோணாது.. ஆனால் , ஒரு முறை பட்டுணர்ந்த விடயங்களை யாராவது சொல்லும் போது அட ஆமால்ல என்று யோசிக்கத்தோன்றும்.. அப்படியான விடயங்கள் வாசிக்கும் போது நன்றாகவும் பிரயோசனமாகவும் இருக்கும்... அப்படியான விடயங்களில் ஒன்றைப்பற்றித்தான் நானிங்கு கதைக்கப்போகிறேன்...

என்னடா அறிவுரை சொல்லி அறுக்கிறானே என்று ஆதங்கப்படுபவர்களுக்கு ஆள்வைத்து அடிக்கப்டும்..
மளமளவெண்டு பேசாம வாசிக்கலாம் எல்லாரும்...
ஆக்களைப்பார்.. ஹ்ம்ப். ! x-( ! :@
:P

:D ... சரி விடயத்துக்கு வருவம்..

உங்களுக்கு கல்யாணம் ஆகிடிச்செண்டு வச்சுக்கொள்ளுவம்.. ஓரு கிழமை நாள் உங்க குடும்பத்தோட நீங்க breakfast எடுத்திட்டிருக்கீங்க ..
வேலைக்குப்போற அவசரம்.. போன உடன மீட்டிங்க் ஒண்டு வேற இருக்கு...
பரொஜெக்டரை டெஸ்ட் பண்ண மறந்திட்டீங்க..
வழமை போல மக்கர் பண்ணுமா என்ற சந்தேகம்..
விறுக்கு விறுக்குன்னு இட்லியைப்பிச்சு வாய்க்க தள்ளிக்கொண்டிருக்கீங்க..

உங்க மகள் பஸ் வரப்போகுதெண்ட அவசரத்தில தன்ட ரூமுக்கு ஏதோ கொப்பியை எடுக்க ஓடின நேரம் , மேசைக்கரையில இருந்த தேத்தண்ணி கோப்பை தட்டுப்பட்டு ... அட நாச‌மே..

Tieக்கு மச்சா தேடி அயன் பண்ணி போட்டிருந்த சேட்டு நாசமாப்போச்சு.. மகள் பயத்தில் கண்கலங்கி நிற்கிறாள்.

எல்லா எரிச்சலம் சேர்ந்து ”சிர்ர்” எண்டு கோபம் உச்சி மண்டைக்கு ஏற
”தரித்திரம்.. பிள்ளையா நீ? பிசாசு.. போகவரும்போது கண்ணை பிடரிக்கயா வச்சிருக்காய்? நீயெல்லாம் பள்ளிக்கூடம் பொய் என்னத்தை படிச்சு கிழிக்கப்போறாய்..”

கடுமையாக பேசிவிடுகிறீர்கள்..

மகள் அழ ஆரம்பிக்கிறாள்.. மிகவும் காயப்படுத்திவிட்டீர்கள்.. அதிர்்சயடைந்த மனைவி ”ஏனப்பா பள்ளிக்கூடம் போற பிள்ளைய பேசுறியள் ? தேத்தண்ணிதானே ஊத்திண்டது ? அதுக்கு ஏன் இப்பிடி குதிக்கிறியள் ?” எண்டு மகளுக்கு சப்போட்டுக்கு வர , கோபமும் ; ”சே போம்பிளைப்பிள்ளையை பேசிப்போட்டேன‌ே ” என்ற சுயஆத்திரமும் மனைவி மீது திரும்புகிறது..

”உன்னை எத்தின தரம் சொன்னனான்.. கோப்பையள குடிச்சா கொண்டுபோய் குசினிக்க வையெண்டு.. விடிஞ்சா பொழுது பட்டா போய் டிவிக்கு முன்னால இரு.. உன்னைக்கலியாணம் கட்டி நான் படுற பாடு..” என்று ஆரம்பிக்க மனைவிக்கும் சுர் என்று ஏறிவிடுகிறது..

பிறகென்ன சண்டை வழமை போல வலுத்து மனைவியும் அழுதுகொண்டு பெட்ரூமுக்கு போக நீங்கள் மாடிக்கு போய் கசங்கிய சேட்டொன்றை போட்டுக்கொண்டு ஓபிசுக்கு போகிறீர்கள்..

அழுதுகொண்டிருந்த உங்கள் மகள் பஸ்ஸை தவறவிட்டுவிட்டதால் , அ‌வளை கொண்டு பொய் அவள் பாடசாலையில் இறக்கிவிட ,அவள் குட்பை சொல்லாமல் அழுது வீங்கிய முகத்துடன் செல்கிறாள்.. ஓபிசில் லேட்டாகிவிட , ப்ரெசென்டேசன் அறையில் மெலதிகாரி ஏனையவர்களுடன் உங்களுக்கு வெயிட் பண்ணிக்கொண்டிருக்கிறார்... நீங்கள் மன்னிப்பு கேட்டுவிட்டு ப்ரொஸெக்டரை ஆரம்பிக்க அது மக்கர் செய்கிறது.. ப்ரெசென்டேசன் இன்னொருநாள் ஒத்திவைக்கப்படுகிறது. அவமானம்..

கவலையுடன் ஆறுதல் தேடி வீடு திரும்பும் உங்களுடன் எவரும் கதைக்க விரும்பவில்லை.. அன்றைய நாள் நரகமாயிற்று..

*******************************************************

சரி.. இப்ப கொஞ்சம் றிவைண்ட் செய்து பிள்ளை டீ யை கவிட்டுக்கொட்டிய இடத்துக்கு வருவம்..

சேட்டில டீ ஊத்திண்ட உடன கோபம் வருது.. நீங்கள் அதை சட்டென்று அடக்கிறியள்.. உங்கட சேட்டில டீ ஊத்திண்டத கண்டு பிள்ளை பயத்தில கண்கலங்க , நீங்கள் ” பரவால்ல அப்பன்.. அடுத்த முறை அவசரமாப்போகும் போது கவனமாயிருக்கவேணும் என்ன ?” என்ற படி சேட்டை மாற்ற மாடிக்குச் செல்ல , மனைவி ஓடிவந்து வேறு ஒரு சேட்டையும் டையயும் அயன் பண்ணி தருகிறார்..

நீங்கள் வெளிவரும்பொது மகள் பஸ்ஸில் உங்களுக்கு டாட்டா காட்டியபடி ஏறுகிறாள்.. மனைவி உங்களுக்கு கன்னத்திலொரு முத்தமிட்டு விஷ் பண்ணி அனுப்புகிறாள்.. ஓபிசுக்கு 10 நிமிடம் முன்னதாகவே வந்து சேருகிறீர்கள்.. ப்ரொஜெக்டரை சரிபண்ணி மகிழ்ச்சியாக பரெசென்டேசனை முடித்துவிட்டு மனைவிக்கு கோல் எடுத்து ”இன்டைக்கு தமிழ்ப்படம் பாக்கபோவம்.. ரெடியா இருங்கோ ” என்று சொல்கிறீர்கள்.. நாள் இனிதே அமைந்தது..

சரி இப்ப நாங்கள் ரெண்டு சம்பவத்தையும்ஆராய்வம்..
இ‌ரண்டு சம்பவங்களும் வேறு பட காரணம் என்ன?

தேனீரா? மகளா? இல்லை ப்ரொஜெக்டரா?

பதில் மேற்குறிப்பிட்ட எதுவுமில்லை..

நடந்தவற்றுக்கு முழுக்காரணமும் சாட்சாத் நீங்கள்தான்..

இப்போது ஒரு pause பட்டனை அழுத்திவிட்டு , நான் Stephen Covey என்ற பேராசிரியரின் 90/10 என்ற principle பற்றி கூறப்போகிறேன்.. ஏனெனில் நான் வாழ்க்கையில் கடைப்பிடிக்கும் , மேற்படி குழப்பத்தில் சம்பந்தப்பட்ட கொள்கைளில் இதுவும் ஒன்று..

அதென் 90/10 கொள்கையென்று யொசிக்கிறீர்களா? இதோ மெதுவாக புரியும்படியாக சொல்கிறென்..

உங்கள் வாழ்க்கை சம்பவங்களாலானது.. அவற்ற்றில் பல சிக்கல்களும் கவலைகளும் சில சந்தோசங்களும் திருப்பங்களும் இருக்கும்..

அப்படியான உங்கள் வாழ்க்கையில் 10 வீதமான சம்பங்கள் , ”தற்செயலாக” நடைபெற்று விடுகிறன..
அதாவது அவற்றை நீங்கள் எதுவும் செய்யமுடியாது..
அது உங்கள் கைகளிலிலல்லை..
உங்களால் தடுக்வோ நெறிப்படுத்வோ முடியாது ..
உதாரணத்துக்கு அந்த டீ ஊற்றியதை சொல்லலாம்..

ஆனால் , மேற்படி 10 வீதத்துக்கும் நீங்கள எப்படி ரியாக்ட் செய்கிறீர்கள் என்பதே மிகுதி 90 வீதமான சம்பவங்களாக அமைந்து விடுகிறது.. உதாரணத்துக்கு டீ ஊத்தியதன் பின்னர் உஙக்ள றியாக்சனை சொல்லலலாம்..

இப்போ லைட்டாக இந்த 10/90 புரிந்திருக்குமே?
ம்ம்!
இந்த 10/90 மேட்டர்தான் வாழ்க்கையில் எல்லோராலும் உணர்ப்பட்டாலும் , அவர்களுக்கு வெளிப்படையாக தெளிவாகாமல் ஒளிந்திருக்கும் ஒருரகசியம்..

இப்போ மறுபடி அந்த pause பட்டனை அழுத்திவிட்டு டீ ஊத்தின சம்பவத்தை யோசித்தால் , முதலாவது அசுப முடிவு ஏற்பட ஒரே காரணம் டீ கொட்டுண்ட வேளை உங்களால் உங்களை கட்டுப்படுத்த முடியவில்லை.. அந்தக்கணத்தில் உங்களை கட்டுப்படுத்தியிருந்தால் விளைவு என்ன வென்று இரண்டாவது சுபமுடிவு பகுதியில் அறிந்திருப்பிர்கள்.. காலை நடந்த அந்த நிகழ்வு மிகுதி அனைத்தையுமு் பாதித்துதானே?

அந்த குறித்த பத்து சதவீத சம்பங்களும் நிகழும்போது , அது மகிழ்ச்சிக்குரியதோ இல்லை கவலைக்குரியதோ எதுவாயினும், உங்களை கணநேரத்துக்கு கட்டுப்படுத்தினால் மிகுதி 90 வீதமும் நிச்சயம் நிறைவாயிருக்கும் .. இதை நான் சும்மா சொல்லவில்லை.. என் வாழ்க்கையில் நடைமுறைப்படுத்தியே சொல்கிறேன்.. நிச்சயம் ஒரு மாறற்த்தை காண்பீர்கள்..

அப்போது எல்லாரும் உங்களுடனிருக்க ஆசைப்படுவார்கள்.. உங்களுடன் கதைக்க ஆசைப்படுவார்கள்.. தங்கள் பிரச்சனைகளை பகிர்ந்து கொள்வார்கள்.. உங்களிடம் ஆறுதல் தேடுவார்கள்..
எல்லாவற்றுக்கும் ஒரே வழி அந்த பத்துவீதம் நிகழும்போது ஒரு கணம் நின்று நிதானித்து றியாக்ட் செய்வதுதான்..

அதற்காக ஆக இளிச்சவாயனாகவும் இருக்காமல் எல்லை மிறும்போது தட்டியும் வைக்கவேண்டியது இந்த உலகில் அவசியம்.. :)

ஆகவே ஞாபகம் வைத்துக்கொள்ளுங்கள்.. அடுத்தமுறை அந்த 10வீதம் உங்களை உணர்சி வசப்படுத்தி , உசார் மடையராக்கி , மிகுதி 90 வீதத்தை நாசமாக்க முன் நின்றொருமுறை நிதானியுங்கள்.. அப்புறம் இந்த புல்லட்டுக்கு நள்பாகத்தில் ஒரு பாலப்பம் வாங்கித் தருவீர்கள் பாருங்களேன்.. :p (சிந்து கபே புட்டெண்டாலும் பரவால்ல)

10% of life is made up of what happens to you
90% of life is decided by how you react......
Stephen R Covey

கபோதி [ only for boys ;-) ]

2010-02-20T14:17:00.017+05:30

அண்மையில் தமிழ்ப்படம் பாரக்கக்கிடைத்தது .. அது எனது பழைய கம்பஸ் ஞாபகங்களை திருப்பிவிட்டது.. தமிழ்ப்படத்த பார்த்து என்னடா பிளாஸ்பக் ஞாபகம் வந்தது எண்டு உங்களுக்கு குழப்பம் ஏற்படலாம்.. அதற்கு காரணம் நாங்களும் தமிழ்ப்படம் பாணியிலேயே கம்பஸ் காலத்தில் ஒரு நக்கல் படம் எடு்த்திருந்தோம்.. நட்சத்திர வாரப்பதிவின் கடைசிப்பதிவாக இதை வெளியிடுகிறென்..

உங்களுக்கெல்லாம் அனுபவமிருக்கலாம்... அடுத்த கிழமை எக்சாமென்றால் அப்போது படிக்கும் கதைப்புத்தகத்துக்கும் , பார்க்கும் திரைப்படத்துக்கும் , நடக்கும் கிரிக்கட்டுக்கும் சற்று சுவை அதிகம்..

இன்னும் ஒன்றுமே படிக்கவில்லை , ஆகவே 30 நிமிடம் டிவி பார்த்துவிட்டு உடனடியாய் படிப்பம் என்று மனதினுள் உறுதி எடுத்துவிட்டு , 31வது நிமிடம் ; ஓகே இன்னொரு அஞ்சு நிமிசம் என்று எமக்கு நாமே சமாதானம் சொல்லியவாறு , ஒரு குறு குறு உணர்வுடன் படத்தை ரசிக்கும் அனுபவம் , எக்சாம் முடிந்து ஹொலிடேய்சில் எத்தனை படம் பார்த்தாலும் கிடைக்காது..

அதே உணர்வுடன்தான் செமஸ்டர் எக்சாமுக்கு 3 கிழமைக்கு முதல் சங்கமத்துக்கு என்ன ப்ரொக்ராம் போடலாம் என்று விவாதித்த வேளை என் ஐடியாவைச் சொன்னேன்.. ” மச்சான் ! ஒரு படம் எடுப்பம் மச்சான் என்று..”

எல்லோரும் அதை வரவேற்க , எக்சாம் அழுத்தங்கள் அசைன்மென்ட் கோர்ஸ் வேக் சப்மிசன் டெட்லைனுகள் எல்லாம் தலையிலழுத்த ஸ்கிரிப்ட் எழுத ஆரம்பித்தேன்..

அந்தப் படத்தை (படம் என்று சொல்லமுடியாது ) எடுப்பதற்குள் சீவன் சித்திரகுப்தனிடம் சீட் புக் பண்ணிவிட்டது.. அவ்ளோ கஸ்டம்.. ஸகிரிப்டிங்.. சூட்டிங்.. எடிட்டிங்.. டப்பிங்.. மியுசிக் ப்ரோவிசன் அது இது எண்டு் , எல்லாவற்றையும் கிடந்த குப்பைகளை வைத்து செய்தோம் .. யாருக்கும் எதுவும் பட எடுப்பது பற்றி தெரியாது..

( போட்டோ எடுக்கிற கமெராவால எடுத்த படத்துக்கு இந்தப்படம் கொஞ்சம் ஓவர்டா என்பவர்களுக்கு ரகசிய முறையில் சூனியம் வைக்கப்படும் )

சொன்னால் நம்பமாட்டீர்கள்.. கடைசிநாள் 1 நிமிடம் கூட தூங்கவில்லை.. இணைப்புவேலைகள் கடைசிநேரம் வரையும் நாறடித்தது.. ஏன்டா இறங்கினோம் என்றாகிவிட்டது..

ஆனால் வலி எரிச்சல் எல்லாம் விழாவில் கைதட்டு வாங்கும்வரைதான்.. எல்லாரும் காட்சிக்கு காட்சி கைதட்டும்போது களைப்பும் கஸ்டமும் பற்ந்துபோய்விட்டது..

கதையின் படி ஒரு ஆண் பெண்ணாக நடிக்கறார் (ஓளவை சண்முகி போர்முலா)..

படமெடுக்கும்போது ஹீரோவை பெண்ணாக வெளிக்கிடுத்தி படமெடுக்க வேணும்.. அதுவும் யாருடைய கண்ணும் படாமல்.. ஆகவே அதுக்குரிய தயாரிப்புகளை முதலில் செய்தோம்.. ஒருபெடியன் தன் தங்கையின் சல்வாரை அதுககு தெரியாமல் கொண்டு வந்து தந்தான்.. கொண்டை மேக்கப்பு எல்லாம் ரெடி.. சரி ஒருக்கா சும்மா ஹீரொவை வெளிக்கிடுத்தி போட்டொ செசன் ஒண்டு வைக்கலாமெண்டு ஆரம்பிச்சா , பொம்பிளை கெட்டப்பில ஹீரோவிற்கு ஏதோ குறைவாயிருப்பது தெரிந்தது..

ஹிஹி புரிஞ்சிருக்கும்தானே..! சரியெண்டு நிறைய பழையபேப்பரெல்லாம் அடைஞ்சு செட்டப்பண்ண வெளிக்கிட்டால் கொஞ்ச நேரத்தில பேப்பர் நெஞ்சிலருந்து வயிறு வரைக்கும் இறங்கி பயங்கரமா இருந்தது.. எங்கடை டீமில அடிக்கடி நேரகாலம் தெரியாம நேர்மையா கொமெண்டு விட்டு அடிவாங்கிற அப்பாவி ஐடியா மணி கேசொண்டு இருந்தது .. அவன் அப்பதான் வந்து ”ஹிஹி! டேய் அலி! உன்னைப்பாக்க உந்த அப்பம் விக்கிற சிங்களக்கிழவி மாதிரி இருக்கு ” எண்டான்.. நல்லகாலம் அடி விழமுன்னம் ஓடி்ட்டான்..

இப்பிடி பந்து , பேணி , சிரட்டை எதை வைச்சாலும் நழுவி கீழ வந்துகொண்டிருந்தது.. உது சரிவராதெண்டு எ்லாருமா சேர்ந்து பெண்களி்ன் மேலுள்ளாடை வாங்குவதா முடிவு பண்ணினம்.. எ்லாரும் முடிவு பண்ணிட்டு யார்வாங்கப்போறதெண்டதில தகராறு வந்திட்டுது.. யாரும் அதை தங்களால வாங்கவே முடியாது எண்டுட்டாங்கள்.. வேணுமெண்டா கெள்ஸ் ஹொஸ்டலுக்க இறங்கி சுடுவமோ என்று ஐடியாக்குடுத்த ஐடியாமணி கடுமையான தாக்குதலுக்குள்ளானார்..

கடைசியாக அங்கசுத்தி இங்க சுத்தி பொறுப்பு என் தலையில விழுந்திட்டு.. நான் அழுது குழறி யாராவது துணைககாவது வாங்கடா என்று கேட்க ம்ஹூம் என்று ஒரே ஆட்டாக ஆட்டி பஸ் ஏத்தி அனுப்பிவிட்டார்கள்.. பயந்து பயந்து கொஞ்சம் தள்ளியிருந்த Fashion Bug போய் பெண்கள் ஆடைப்பகுதியில் பார்த்தால் எல்லாம் பெண்மயம்.. ஒரு பையனக்கூடிக்காணம்..

யாராவது விற்கிற பையன்கள் நின்றால் காலில விழுந்து கதறி அழுதாவது என் பிரச்சனையை சொல்லிவாங்குவம் என்றால் ஒரு பையனையும் காணம்.. அப்போ ஒரு விற்பனைப்பெண் நான் தர்மசங்கடத்துடன் நிற்பதைக்கண்டு என்ன வேண்டுமென்று கேட்டாள்.. எனக்கு வேர்த்து வழிந்து நாக்கு உள்ளே போய்விட்டது.. தட்டுத்தடுமாறி விக்கி விலங்கித்து மூச்சை இழுத்துப்பிடித்துக்கொண்டு அது இருந்த பக்கமாக கையைக்காட்டினேன்.. ஏதோ கேட்டாள்.. யெஸ்யெஸ் எண்டேன்..

அவள் எடுக்கப்போய்விட , நான் பல்லைக்கடித்துக்கொண்டு , தலையை குனிந்து கொண்டு , மேசையை குத்திக்கொண்டிருந்தேன்.. அந்தவேளை சற்றும் எதிர்பார்க்காமல் ஹாய்! என்ற இனிய பெண்குரல் ‌ பின்னால் கேட்டது.. திடுக்கிட்டு திரும்பிபபார்த்தால் பியுமி..

அவள் என்னுடன் படிக்கும் சிங்களப்பெட்டை.. அய்யகோ.. இப்ப என்ன செய்வது.. உடுப்பெடுக்க போனவள் திரும்பி வரமுன் உண்மையை சொல்லிவிடலாம் என்று லைட்டாக டோக்கைப்போட்டேன்..

நாங்கள் நாடகம்போடப்போவதாயும் அதற்கு பெண்களின் துணி வாங்கவந்ததாயும் லைட்டாக சொன்னேன்.. அவளும் ”ஓ‌ஹோ!” என்று சந்தேகத்துடன் கேட்டவள் எனக்கு பின்னால் யாரையோ பார்த்ததும் சட்டென்று முகம் மாறினாள்..

அவள் றியாக்கனை கண்டு குழம்பி என்னவென்று திரு்ம்பினால் அங்கே கண்டகாட்சி ! அந்த மூதேவி கறுப்பு சிவப்பு பச்சை எண்டு நாலைஞ்சு கலரில் கீழுள்ளாடையை வைத்திருந்தது..

சேர் விச் கலர் டு யு லைக்?

ஙே?

ஆத்தாடி .. அடியேய் கூறு கெட்ட மூதி .. ஆப்பைக்கொண்டுவந்து ஆள்வளம் தெரியாமல் அடிக்கிறாளே..

நாடகத்துக்கு இதையெல்லாம் வாங்கினெண்டு வெளில சொல்லப்போறாளே இந்த பக்கி!.. இப்ப நானென்ன செய்ய?

நான் நோநோ நொட் திஸ் ! தட் ! தட் வன் ! என்று அலறியடித்து மறுக்க அவள் விடாமல் for her ,right? என்றாள்?

அடியே கட்டையில போறவளே .. உன்ட வாயில சனி ஏறி சங்காத்தமாட.. தேரை இழுத்துத் தெருவில விட்டுட்டாளே...!

நான் என்ன றியக்சன் குடுப்பது என்று தெரியாமல் முழிந்துகொண்டிருக்க பியுமி முறைத்தபடி போய்விட்டாள்.. கடைசியா ஒருமாதிரி உருட்டிப்புரட்டி ஐந்நூறு ருபாயக்கு ஒன்றை வாங்கிவந்த எல்லார் முகத்திலும் எறிந்தவிட்டு இருந்த கோலத்தைப் பார்த்து எவனும் எதுவும் கேட்கவில்லை..

ரத்தக்களரி.. சர்வமானநாசம்!

அதைத்தொடர்ந்து , ஒரு நாள் இந்த பொம்பிளைக்காட்சியை சூட் பண்ண யோசிச்சிருந்த ஒரு குப்பைப்பிரதேசத்தில் , அங்கு வசித்த எல்லாரும் எங்கேயொ போய்விட , சரி குறித்த பகுதியை சூட் பண்ணி முடித்துவிடலாமென்று அவசர அவசரமாக ஹீரோவை வெளிக்கிடுத்தினோம்..

கஸ்ட காலத்துக்கு ஷேப்பண்ணி வைத்திருந்த இரண்டு சிரட்டைகளையும் காணோம்.. எல்லாரும் எங்கடா எங்கடா தேட ஹீரோ சிரித்துக்கொண்டிருந்தார்.. ”ஹிஹி இன்னிக்கு எடுத்தமாதிரித்தான்டி!”

ஐடியாமணியை ரவிகடையில் ரெண்டு சிரட்டை வாங்கிவருமாறு அனுப்பிவிட்டு மீண்டும் தேடுகையில் சிரட்டை கிடைத்துவிட்டது.. உடனே ஹீரோ தன் பெனியனை காணவில்லை என தேடலானார்.. அவருக்கு ரெண்டு குத்தை விட்டு ஒண்ணும்தேவையில்லை எண்டு சிரட்டை வெறும்மேலில் பொருத்தி வாங்கிவந்த ஐட்டத்தை அணிவித்து சல்வாரை கொழுவி சூட்டிங்குக்கு தயாரான நேரம்.. திடீரென்று ஹீரோ குட்டிபோடும் ஆடுபோல் வாள்வாள் என கத்தலானான்..

என்னடா இது என்று பார்த்தால் ”டேய் கழட்டடா கழட்டடா” என்று கத்திக்குழறினான்.. என்ன பிரச்சனை என்று அறிய முன் சல்வாரை கழற்றிவீசி மற்றதை கழற்ற முடியாமல் பிடிங்கி வீசி சிரட்டைய கழட்டி எறிந்து விட, பின்னர்தான் பார்த்தோம்.. உள்ளே கொஞ்சம் கடி எறும்புகள்.. எடுத்து மேஜையில் வைத்திருந்த நேரத்தில் ஏறிவிட்டிருக்கிறன.. நாமும் கவனிக்காமல் சே!

கடிகடிஎன்று கடித்து சிவந்து வீங்கி அனுங்கிக்கொடிருந்த ஹிரோவைப்பார்க்க பாவமாக இருந்தது.. அந்த வேளை இரு சிரட்டைகளுடன் வந்த ஐடியா மணி அவனை குறுகுறுவென்று ஒரு முறை பார்த்துவிட்டு சீரியசாய் சொன்னனான்..
”இவனுக்கு சிரடடை தேவையில்லை போலருக்கே? ..”

ஐடியா மணியை ஆஸ்பத்திரியில் அனுமதித்த பின்னர் , முதலில் படத்துக்கு வைத்த பெயர் சிரட்டை.. ஹீரோவின் கடும் எதிர்ப்பு காரணமாக கைவிடப்பட்டு கபோதி என்ற பெயர் வைக்கப்பட்டது.. படத்தின் கதை பின்னூட்டதில் போடுகிறேன்..

சரி சொல்ல வந்த கருத்துக்கு வருவம்... இந்த படத்தை எடுத்து முடிச்சபிறகு எனக்கு ஒரு வித்தியாத்தை உணர முடிஞ்சது.. அந்த அனுபவத்துக்கு பின்னர் ஒவ்வொரு சினிமாப் படத்தை பார்க்கும் போதும் அந்தபடத்தின் ஒவ்வொரு நுணுக்கமான அம்சங்களையும் அதன் பின்னாலுள்ள உழைப்பபையும் பார்க்கமுடிந்தது.. அனுபவிக்க முடிந்தது.. ரசிக்க முடிந்தது..

நீங்கள் ஒரு கதை எழுதினால்தான் இன்னொரு ஒரு கதையை அதன் மக்சிமத்துக்கு ரசிக்கமுடியும்.. அதற்கு தேவையான திறமையையும் உழைப்பையும் பாராட்ட முடியும்.. அவ்வாறேதான் இசையும்.. இசையை ரசிப்பவர் இன்னும் ரசிப்பில் அடுத்தநிலையை காண அதை பழகவேண்டும்..
நீங்களும் புதிதாய் உருவாக்க முயலவேண்டும்..

எப்படி இதை செய்திருப்பார்கள் என அதிசயித்தவாறு பார்ப்பது ஒரு புது அனுபவம்... இன்பஅனுபவம்! ஆகவே நீங்கள் பார்த்து படித்து கேட்டு ரசிக்கும் எல்லாவற்றையும் நீங்களே ஒரு முறை உருவாக்கத்தலைப்படும் போது அதன் இன்னொரு பரிமாணத்தை உணர்வீர்கள்..

பிகு: உங்கள் எ்லாருக்கும் எண்ணெயில் தண்ணியில் வழுக்கிவிழுந்த அனுபவம் இருக்கும்.. ஆகவே வழுக்கும் தரையில் நடப்பது தொடர்பாக உங்களுக்கு ஒரு எண்ணக்கரு இருக்கும்.. ஆகவே பின்வரும் ஐஸ் டான்சிங் ஐ ரசிக்கும் போது உங்கள் கண்களும் மனமும் அகல விரிவதை உணர்வீர்கள்..

கொசுத்தொல்லை

2010-02-18T22:01:00.023+05:30

தொடர்ந்து 3 ஹிட் கொடுப்பது தவறாகையால் இதோ ஒரு ப்ளாப்.. :P

இன்று கணணி முன்னால்உட்கார்ந்ததும் ஒரே நுளம்பு.. சரியான எரிச்சல்.. ஆகுவே அந்த சனியனைப்பற்றியே எழுதுகிறேன்.. சும்மா வாசித்துப்பாருங்கள்.. நேரே விடயத்துக்கு போக விரும்புபவர்கள் மண்ணிறத்திலுள்ள பகுதியை தவிர்க்கவும்.. ஓட்டு மற்றும் பின்னூட்டம் போட்டு அன்புகாட்டும் அனைவருக்கும் நன்றி.. :)

நான் கம்பசில படிக்கிற காலத்தில நண்பர் ஒருவரோட சேர்ந்து சொய்சாபுரத்தில ஒரு ப்ளட்டை வாடகைக்கு எடுத்து குடியிருந்தோம்.. ஆமிப்பயத்தால இரவில ஒரு அங்கிள் ( 65 வயசிருக்கும் ) வந்து படுக்கச்சொல்லி கேட்டிருந்தபடியால் , பாவம் மனுசன் இரவில சாப்பாட்டையும் கட்டிக்கொண்டு வந்து படுத்துட்டு காலை 6 மணிக் கெல்லாம் எழும்பி ஓடிடும்..

அந்தாள் பாக்க வெள்ளைச் செந்தில் மாதிறி இருப்பார்.. கொஞ்சம் சின்னப்பிள்ளைமாதிரி பிகேவ் பண்ணும்.. பாத்ருமுக்க போய் கரப்பான கண்டால் ” ஐயோ வண்டு (ஏன் வண்டென்கிறார் என்று எனக்கு தெரியாது!)” எண்டு குழறி ஊரை யே கூப்பிடுறகேஸ் .. தேமஸூக்க சுடுதண்ணிய கொண்டு கரப்பானுக்கு பின்னால ஊத்தியபடி ஓடித்திரியும்..

இரவில சம்மாடிகட்டிக்கொண்டு இருந்து டீவி பாப்பார்.. அப்பிடியே சம்மாடி கட்டினபடியே சொய்ங் எண்டு விழந்து நித்திரையாயிடுவர்.. எங்களுக்கும் ஜோக்காயிருந்தபடியால் பயங்கர அன்பு அவரில.. ஆனால் அந்தாள் ஒருநாள் வீட்டைவிட்டு துண்டைக்காணம் துணியக்காணம் எண்டு ஓடினது கடைசி வரைக்கும் திரும்பி வரவேயில்லை..

எங்களுக்கெல்லாம் சரியான கவலை.. அவ்வளவு காலம் இருந்துட்டு அந்தாள் சொல்லாமக்கொள்ளாம ஓட காரணம் வே‌ற ஒண்டுமில்ல : எல்லாம் அந்த நாசமறுந்த நுளம்புகள்...

ஒரு கால கட்டத்தில மொரட்டுவை புல்லா நுளம்பு பெருகி வாயத்திறந்தா நாலு நுளம்பு உள்ள போற நிலமையில பலபேர் டெங்கு வந்து செத்தும்போனாங்கள்.. நாங்களும் பயத்தில மோட்டீன் கொயில் , நிஞ்சா வேப்பரைசர் , டிஞ்சர் மட் அது இது எண்டு பலதை போட்டும் இரவெண்டால் அறையெல்லாம் ”ஙீ ” எண்ட சத்தம்தான்..

அதிலும் இரவ கரண்ட நிப்பாட்டிவிட்டாங்களோ , பானுமிருக்காது ; வியர்த்து வழிஞ்சு முகமெல்லாம் எரியும் பொது , பெட்சீட்டை தள்ளி எறிஞ்சிட்டு இருக்கும்போது காதுக்க வந்து அதுகள் சத்தம்போடும் பாருங்கோ! அப்ப அனுபவிப்மே ஒரு உணர்வு , அதை வெண்ட சித்திரவதை சீனர் கூட கண்டுபிடிச்சிருக்கமாட்டாங்கள்..

அப்பதான் ஒருக்கா உந்த சித்திரனெல்லா ஒயில் பற்றி அப்பா யாழ்ப்பாணத்திலருந்து சொன்னார்..

சரியெண்டு அதில ரெண்டு பொத்தில வாங்கியந்து லைட்டா புசிட்டு படுக்க , கொஞ்ச நேரத்தில அந்த அங்கிள் மூக்குக்குள ஏதோ பூச்சி புகுந்துவிட்டது போல ”ங்க்சு.. ங்க்சு” எண்டு கொண்டு வந்தார்.. ”என்னப்பா தம்பி பிணநாத்தம் நாறுது ? எங்கயிருந்து வருது ? ” எண்டு விசாரிச்சவருக்கு எண்ணெயின் மகத்துவங்களை விளக்கி , அசந்த நேரம்பாத்து ஆளுக்கும் கொஞ்சம் பூசி அவரை படுக்கச்செய்தம்..

அடுத்தநாள் ஆளுக்கு முகமெல்லாம் சிவந்து வீங் , கண்ணெல்லாம் பொருமி , வாந்திபேதியெல்லாம் புடுங்கி 2 நாள் ஆசுப்பதிரியில.. அதுக்குப்பிறகு ஒரு கிழமை கழிச்சு நாம கெஞ்சிக்கூத்தாடி , இனி அந்த எண்ணெய தொடமாட்டம் எண்டு உறுதிவாங்கிப்புறம் ஆள் திரும்ப வந்தார்..

ஒழுங்கா ஒரு மாசம் போயிருக்கும்.. ஒருநாள் மறுபடியும் நுளம்பு தாங்காமல் ‌ எண்ணெய பூசுவமெண்டு போட்டு மெதுவா அங்கிள் நித்திரையோ எண்டு எட்டிப்பாத்தம்.. ஆள் சம்மாடி கட்டின படிக்கு நாலாஞ்சாமத்தில.. சரியெண்டு எண்ணெய எடுத்து மெதுவா பூசும்போது , சனியன் பிடிச்சது கைதட்ப்பட்டு அந்தப்போத்தில் கீழவிழுந்து உடைஞ்சு போய்ட்டு.. எண்ணெய் எல்லா இடமும் பரவி ஒரு 10 செக்கனில அடிச்சுது பாருங்கோ ஒரு மணம்.. என்னாலயே தாங்க முடியல.. என்னடா செயயுறது எண்டு பாத்துக்கொண்டிருக்க.. அறைக்க இருந்த அங்கிள் சேட்டும்போடாமல் பெட்சீட்டையும் போத்திக்கொண்டு ஓடினார் பாரு ஒரு ஓட்டம் ”ங்க்சு ங்க்சு” எண்டுகொண்டு .. அதுக்கு பிறகு அந்தாளை சொய்சாபுரப்பக்கம் காண‌வே கிடைக்கேல்ல.. பாவம்.. :(

இதை ஏன் சொல்லுறனெண்டால் இந்த நுளம்புத்தடுப்பு பற்றி கதைக்கத்தான்.. உங்களையெல்லாம் விழிப்புணர்ச்சி ஏற்படுத்தி சிரட்டைய கவிட்டுப்போடுங்கோ.. கோம்பையை கொத்திப்போடங்கோ எண்டு கேட்கப்போறேல்ல.. ஆனா நுளம்பு ஒழிப்பு தொடர்பா உலகத்தில என்னென்ன நடக்குது எண்டுதான் லைட்டா சொல்லப்போறன்..

முன்னல்லாம் மத்திய கோட்டை சுற்றி கொஞ்ச இடம்தான் நுளம்பு இருந்துது.. ஆனா இப்ப உலக வெப்பமாதலால பனியெல்லாம் உருகி ஆப்கான் வரையும் நுளம்பு கொடிகட்டிப்பறக்குது.. குளிர்நாடுகளிலயும் சமர் எண்டால் நுளம்புத்தாக்குதல்..

மனிதனுடைய வாழ்க்கைய துன்பமாக்கிற தூக்கத்தை நரகமாக்கிற இந்த நாச ஜந்துவை உலகத்தை விட்டே ஒழிக்கவேண்டுமென்ற கருத்து எனக்கு மட்டுமல்ல உங்கள் எல்லாருக்கும் கூட இருக்கும் எண்டு எனக்குத்தெரியும்.. இந்த மலேரியா மட்டும் எத்தினைபெரை வன்னியில கொண்டிருக்கும்? அண்மையில கண்டெடுத்த பாரோ (எகிப்திய மன்னன்களை குறிபிடுவார்கள்) மம்மி ஒன்று கூட மலேரியாவாலதான் செத்ததெண்டு கண்டுபிடிச்சிருக்கினம்..

இந்த நுளம்பு வெள்ளைக்காரனுக்கும் பிரச்சினை தருறபடியால் அவனும் களத்தில இறங்கிவிட்டான்.. அதன் காரணமா நிறைய தயாரிப்புகள் , நிறைய கண்டபிடிப்புகள்..

நுளம்பு மெழுகுதிரி .. நுளம்பை அருட்டும் அதிர்வலைகளை உருவாக்கும் இயந்திரம்.. வெளிச்சத்தால் கவர்ந்து மின்சாரத்தால் கொல்லும் பொறிகள் என்று ஏராளம் .. இப்ப நுளம்படிக்கிற றக்கட் எல்லாம் இலங்கையிலயே தயாரிக்கிறாங்கள்.. ( அதால சும்மா பிள்ளைகளுக்கு படக்கு படக்கு எண்: சத்தம் போட்டு வேடிக்க‌ை காட்டலாம் வேற புண்ணாக்கு ஒண்டுமில்ல அநியாயக்காசு.. ) ஆனால் அவையெல்லாவற்றாலும் கூட அந்த நாச ஜந்துவை முற்றாக அழிக்க முடியாது ..
எனவே கண்டுபிடிப்புகள் தொடர்ந்த வண்ணம்தான் இருக்கிறன..

மைக்ரோசொப்ட் கூட தன்னுடைய வருமானத்தில் ஒரு பகுதியை நுளம்படிப்பதற்கு ஓதுக்கி வைத்துள்ளது.. மைக்ரோ சொப்டில் ந்ல உயர்பதவியிலிருந்த ஒரு மென்பொருட்பொறியியலாளர் தன்பதவியை ராஜினாமாச்செய்து அந்த நுளம்படி நிறுவனத்தில இணைந்து ஆராய்ச்ிகளை மேற்கொண்டார்..

அவருக்கு கிடைத்த ஐடியாப்படி ஒரு பழைய லேசர் பிரிண்டரை உடைத்து அதிலிருந்த உபகரணங்கள் மூலம் ரேடார் தொழிநுட்பத்தை பயன்படுத்தி நுளம்புகளை சுட்டுவிழத்தும் உபகரணத்தை கண்டுபிடித்தார்.. வெறும் ஐந்தாயிரம் ரூபாய் மட்டும் வரும் இத்தகைய உபகரணங்களை வீட்டு வளவில் பூட்டிவிட்டால் கோடிக்கணக்கில நுளம்புகளை கொன்று குவிக்கலாமாம்..

எந்த பிராணியும் கொல்லப்படும்போது வேதனையாயிருக்கும்.. ஆனால் இந்த சனியங்கள் சுட்டு வீழ்த்தப்படுவதை பார்க்க எவ்வளவு சந்தொசமாயிருக்கிறது? நீங்களும்தான் பார்த்து ரசியுங்கள்.. நிச்சயமாக 2 தடவை பார்ப்பீர்கள்.. :)

ஒரு கதையை சொல்லி இந்த வதைப்பதிவை முடிக்கிறென்..

சீனாவில் world war காலங்களின் பின் பட்டினி உருவானதாம்.. காரணம் சிட்டுக்குருவிகள் பெருகி அவர்கள் உற்பத்தி செய்த தானியங்களை தின்று தள்ளிக்கொண்டிருந்தன.. ஆகவே அவர்களது அரசாங்கம் ஒரே நாளில் ஒரு முடிவு எடுத்தது. மனிதனா குருவியா? யார் உயிர்வாழ்வது? மனிதன் தன் பக்கம் சாரந்துவிட ஒரே நாளில் பலகோடிக்கணக்கான குருவிக்கூடுகள் அழிக்கப்பட்டன.. எல்லாரும் ஒரு தேசிய நாள்போல குருவி அழிப்பு நாளை நிகழ்த்தினர்..

தொடர்ந்து அடுத்த இவ்விருமாதங்களில் இந்த குருவி அழிப்புநாள் அமுல்படுத்தப்பட்டு சிட்டுக்குருவிகளே சீனாவில் இல்லாது போயின.. அதேபோல மாலைதீவில் காகங்கள்.. அவர்கள் தங்களது கூரையில்விழும் நீரையே சேர்த்து பயன்படுத்துவதால் காகங்களுக்கு அங்கு மரணகண்டம் ஆயிற்று..

இதே போன்ற ஒன்றை உலகமே நுளம்புக்காக நடத்தவேண்டும்.. நுளம்புகளை இந்த உலகத்தை விட்டே ஒழிக்கவேண்டும்...

அப்போதான் ,
ஒரு நிலாக்காயும் நாளில் ,
முற்றத்து மாமரத்தினடியில் ,
தென்றல் தாலாட்ட கண்மயங்கும் பேரனுடன் கொஞ்சிவிட்டு ,
அப்படியே நித்திரையாய்ப்போய்விடமுடியும்.. ;)

( பிகு: பீலிங்க்ஸ் பீலிசிவம் என்று பட்டம் தரநினைப்பவர்கள் மாலை 8 மணிக்கு பின்னர் டபிள்யு டபிள்யு டபிள்யு டாட் பிச்சுமணி ‌ டாட் கொம்முக்கு வரவும்)

மேலதிக தகவல்கள்: http://intellectualventureslab.com/?p=653
http://fatfinch.wordpress.com/2008/07/14/the-great-sparrow-wars/

சமூக வலயங்கள்

2010-02-17T10:40:00.024+05:30

கடந்த 2012 திகில்கதை பதிவு பயங்கர ஹிட்டாகிவிட்டது.. யாழ்தேவி நட்சத்திர எல்வார ஓப்பினிங்கே அசத்தல்.. ஓட்டிட்ட , பின்னூட்டமிட்ட அனைவருக்கும் நன்றிகள்.. ஒரு காமெடிக்கதையை தொட ர்ந்து இந்தப்பதிவு சற்று சீரியசாக , ஒரு கருத்துக்கட்டுரையாக் வருகிறது.. கொஞ்சம் மனவியல் உளவியல் சம்பந்தப்பட்டது ..

நான் கம்பசில் படிக்கும்போது எனக்கு மிகவும் பிடித்த பாடங்களாக பல இலத்திரனியல் சார் பாடங்களை அடுக்கிகொண்டே பொனாலும் , என் துறை சாாராத ஒரு பாடமான ஓர்கனைசேசனல் மனேஜ்மெண்ட் (Organizational Management) என்ற சப்ஜெக்ட்இன்று வரை மனதை விட்டு அகலாமல் நின்று நிலைக்கிறது..

அதற்கு காரணம் அந்தப்பாடத்தின் உள்ளடக்கமும் அதைக்கற்பித்த ராமச்சந்திரன் என்ற ஆசிரியரும்தான்..

அந்த பல்கலையில் எங்களுக்கு கற்பித்த இரண்டு தமிழ் ஆசிரியர்களும் தமிழர்களுக்கு மட்டுமல்ல சிங்கள மாணவர்களுக்கும் பிடித்தமானவர்கள்..

ஆனால் துரதிஸ்ட வசமாக இருவரும் தற்போது உயிரொடு இல்லை..

கம்யூட்டர் நெட்வெர்க் கற்பித்த தமிழ் ஆசிரியர் , திடீரென்று ஒருநாள் தலைமறைவாகி , பின்னர் வன்னி டெக்கில் உச்ச அதிகாரியாக வேலைசெய்து , பின்னர் கடைசி யுத்த்தில் கொல்லப்பட்டதாக அறியப்படுகிறது.. அவர் கட்டுநாயக்காதாக்குதலில் பாதுகாப்பு கணிணி வலையமைப்பை உடைத்தமைக்காக தேடப்பட்டவர் என்பது ம் குறிப்பிடத்தக்கது..

பின்னவர் இயற்கையான மரணம் எய்தினாலும் , லெக்சரில் ஒருநாள் negotiation பற்றி கற்பிக்கும்போது அவரது கணீர்குரலில் அத்தனை சிங்களமாணவர்களுக்கு மத்தியில் தமிழ்செல்வனை உதாரணப்படுத்தி ஏற்றுக்கொள்ள வைத்தது இன்னும் மறக்கவில்லை..

எவருக்குமே தூக்கமே வராமல் , சீட் நுனியில் இருந்த கவனிக்கவைக்கும் லெக்சர்கள் அவருடையது..

ஒருநாள் தன் வகுப்பில் , அவர் வாழ்க்கையின் சில கட்டங்களை , சில எதிர்பார்ப்புகளை நான்கு Zone களை வைத்து அருமையாக விளங்கப்படுத்தியருந்தார்... இன்னும் பசுமரத்தாணிபோல் பதிந்து ஞாபகமிருப்பதால் ஏறத்தாழ 4 வருடங்களின் பின் அவற்றை உங்களிடம் பகிர்கிறேன்..
வாசித்துத்தான் பாருங்களேன் ..

ஏன் மனிதனுக்கு பாசம் அவசியப்டுகிறது? ஏன் குழந்தைகள் மீது அன்பு செலுத்துகிறான்? ஏன் திருமணம் செய்து கொள்ள ஆசைப்படுகிறான்? ஏன் அம்மாவில் உருகிவழிகிறான்?

இப்படி நீங்கள் யாராவது சிந்தித்துண்டா?
இப்படி ஒரு சிக்கல் இல்லாவிட்டால் மனிதன் எப்பொதும் சந்தோசமாகத்தான் இருப்பான்..
தான் எனக்கு மட்டும்தான் என்று வாழ்பவன் எந்த றிஸ்க்கையும் எடுத்து , வெற்றிபெற்றாலோ இல்லை தோல்வியுற்றாலோ தானே அதை அனுபவித்து வாழ்ந்து மடியமுடியும்.. அனால் , ஏன் பாசம் என்ற பெயரில் தனக்குத்தானே வரையறைகளையும் பொறுப்புக்களையும் கவலைகளையும் ஏற்றுக்கொண்ட கஸ்டப்படுகிறான் ?
இப்படி ஒரு கேள்விக்கு விடைகாண்பதற்கு ஒரு வலயக்கோட்பாடு பற்றி அறிந்து கொள்ளவேண்டும்..

மனிதனைப்பொறுத்த வரையில் அவன் உலகை , சமூகத்தை நான்கு வலயங்களுக்குள் அடக்கிக்கொள்கிறான்..

அதாவது, தனக்கும் சமூகத்துக்குமான டிஸ்டன்ட்சை நான்கு வலயங்களுக்குள் வைத்துள்ளான்..

தன் பாதுகாப்புக்காகவும் , ஜாலியாகவோ போமலாகவோ கதைப்பதற்காகவும் , தன் பாசத்தை வெளிப்படுத்தவும் , பயத்தின்காரணமாகவும் இந்த வலயங்களை ஒவ்வொரு மனிதனும் அறியாமலேயே தன் வாழ்க்கையில் உணர்கிறான் .. கடைப்பிடிக்கிறான்..

உளவியல் ஆய்வாளர்கள் அவற்றை பின்வரமாறு அழைப்பர்..

Social distances

Public Zone : 3 மீட்டருக்கு அப்பால் நிக்கும்பொது

தெரியாத ஆட்களை இந்த வலயத்திலிருந்து பார்க்கத்தான் யொசிப்பீர்கள்.. தப்பித்தவறி , அவன் உங்களை அடிக்க நினைத்தாலும் கை எட்டாது.. நாம் ஒடிவிடலாம்.. அதற்காகத்தான் இந்த ஏற்பாடு... எதிரிகள், முரட்டு வலங்குகள் பொன்றவற்றை இங்குதான் வைத்திருக்க நினைப்பீர்கள்.. சிலர் குழந்தைகளையும் மாமியார்களையும் இங்கு வைத்திருக்க நினைப்பது விதிவிலக்காகும்.. :p

Social Zone : 1.5 மீட்டருக்கும் 3 மீட்டருக்குமிடையில்

ஓரளவாக நெருக்கமாக உணர்ந்தவர்கள் மற்றும் ஏதொ குழுவாக இருக்கும்போது இப்படி இருப்பீர்கள்.. தனிப்பட்ட ரீதியிலான அன்புப்பரிமாற்றம் இரக்காது.. அநெகமாக தெரிந்த ஒருவருடன் போமலாக கதைத்தல் இந்த வலயத்தில் வரும்..

Personal Zone : அரை மீட்ருக்கும் ஒன்றரை மீட்டருக்கும் இடையில்

இங்கு நின்று கதைப்பவர்களுக்கிடையில் நல்ல அண்டஸ்ராண்டிங்க இருக்கும்.. நண்பர்களாக இருப்பார்கள்..

Intimate Zone : 50 சென்டிமீட்ருக்கு உள் நிற்கும்போது

இது மிகவும் ஆபத்தான வலயம்.. அதற்குள் இருப்பவர்கள் உங்களை மனதளவிலோ உடலளவிலொ காயப்படுத்திவிட வாய்ப்புண்டு.. அகவே இதற்குள் வர அனுமதிப்பதற்குமுன்னம் கடுமையாக சிந்திப்பிர்கள்.. நெருக்கமான நணபர்கள், மனைவி, தாய், பிள்ளைகள் , நாய்க்குட்டி , பூனைக்குட்டிகள் போ்னவை இங்கு வரும்.. ஆனால் , அனெகமாக மனைவியிடம் மென்டலாக தாக்குப்படுபவர்கள்தான் அதிகம்.. இப்போது இந்த கடைசி இன்டிமேட் ‌சோன் பற்றி விளக்கமாக பார்க்கலாம்..

மனிதனுக்கு மன உளைச்சலை தீர்க்க இந்த கடைசி வலயத்தில ஓரிருவராவது இரப்பது அவசியம்.. அந்த வலயத்திருப்பவர்களிடம்தான் அவன் தன் ரகசியங்களை , தன்னால் மறைத்து வைக்கமுடியாதவற்றை சொல்லி ஆறுதல் தெடத்தலைப்படுகிறான். சிறுவயதில் தாயிடமும் பின்னர் நண்பர்களிடமும் பின்னர் மனைவியிடமும் சொல்லி அவர்களை அணைத்து தழுவி தன் மன இறுக்கத்தினை தளர்த்திக்கொள்கிறான்.. அனால் அந்த வலயத்துக்குள் அவன் மற்றவரை அனுமதிக்க முன் , தன் நம்பிக்கைக்கு பாத்திரமானவரா என்று அறிய த்தலைப்படுவான்.. ஏனெனில் அவனுடைய ரகசியங்களை அறிந்த பின் வெளியில் சொல்லதவராகவோ , என்ன நடந்தாலும் தன்னை விட்டு பிரியாதவனாயோ இருக்குவேண்டுமென அவன் எதிர்பார்க்கிறான்.. தனக்கு தன் கவலைகளுக்கு ஒரு தீர்வாயும் அந்த வலயங்களுக்குள் இரப்பவர்கள் இருக்கவேண்டுமென எதிர்பர்ப்பான்..

கமலஹாசனின் கட்டிப்புடி வைத்தியத்தின் மகிமையும் அதுதான்.. மனிதமனம்போல் அதன் உடலும் தழுவலுக்கும் அணைப்பிற்கும் வெகுவாக ஏங்கும்.. சிறுவயதில் தாயின் அன்புத்தழுவல் , பின்னர் நண்பர்களின் தோழமை இறுக்கம், பின்னர் மனைவியின் ஆசைத்தழுவல் , பின்னர் குழந்தைகளின் இன்பத்தழுவல் என்ற வகையில் அதற்கும் அந்த நெருக்க வலயத்தில் தீர்வு கிடைக்கிறது..

இந்த வலயத்தில் வேண்டாதவர்களின் பிரவேசம் எரிச்சலைத்தரும்.. உதாரணமாக பஸ்களில் செல்லும்பொது ஒரு முரடன் அரகில் வந்து நின்றால் கடுப்பாகவிருக்கும்.. (பெண்கள் வந்த நின்றால் கிளுகிளுப்பாக இருப்பது வேற கதை.. :P )
அதேவேளை ஒருத்தன் மற்றவனை பயமுறுத்த இந்த வலயத்துக்குள் வந்துதான் கோபத்தை வெளிப்படுத்துவான்.. அதுதான் மூக்கும் மூக்கும் முட்ட கத்துவது போல சினிமாவில் காட்டுவார்கள்..

எல்லாம் சரி.. இந்த வலயத்தை பற்றி அறிந்து என்ன பிரயோசனம் என்கிறீர்களா? இருக்கிறது.. நீங்கள் மரியாதையாகவும் மதிப்பாகவும் இருக்க வேண்டுமாயின், மற்றவர்களை அந்ததந்த வலயங்களுக்குள் வைத்துக்கொள்ளுங்கள்.. அவ்வாறே நீங்களும் எல்லை மீறாமல் குறித்த வலயங்களுக்குள் நின்று கொள்ளுங்கள்.. உங்களை நம்பி தன் நெருக்கவலயத்துக்குள் அனுமதித்தவர்களின் தீர்வாக நிற்க முயலுங்கள்.. துரோகம் செய்யாதீர்கள்..தொணதொணக்காதீர்கள்.. வாழ்க்கை இனிக்கும்.. !

ஸ்ஸபா !அறிவுரைப்பதிவொண்டும் போட்டாச்சு.. இனி நாளைக்கு வேற ஏதாவது புதுசா போடறென்.. பி‌டிச்சிருந்தா ஓட்டைக்குத்துங்க.. பிடிக்கலீன்னா என் போட்‌டோவை பிரிண்டெடுத்து அதில குத்துங்க.. வர்ட்டா என்ன இனிய நண்பர்களா.. :) ! (அது சரி நீங்கள்ளாம் என்ட வலயத்தில எங்க நிக்கிறீங்க ? நிக்க ஆசைப்டுறீங்க ? சோசலா , பேசனலா இல்லை இன்டிமேட்டா?? :P நீ இருக்கிறவரைக்கும் இலங்கைப்பக்கமே வரமாட்டோம்கிறவங்களுக்கு அம்மாவாசைக்கு விஜய் வெருட்டும் சொல்லிக்கிடக்கு :-X )

2012 - திகில்கதை

2010-02-15T22:19:00.007+05:30

2010 ம் ஆண்டு டிசெம்பர் 12 ஆம் திகதி..

காலைச்சூரியன் பனிபுகார்களுடே தன்கதிர்களை நுழைக்க கடும் முயற்சி செய்து கொண்டிருந்தான்..

நான் ஒரு கையில் தேனீர்கோப்பையுடன் , குளித்து துடைத்தாலும் ஈரமாயிருந்த தோளில் துவாயுடனும் , ப்ளாட்டின் பின்னாலிருந்த சிறிய பல்கனியில் நின்று நீளமாக ஒரு கொட்டாவி விட்டேன்..

”சே .. உலகம் இன்னும் 2 வருடங்களில் அழியப்போகிறதென்று உறுதிப்படுத்திவிட்டார்கள்..
என்ன கொடுமை.. ஒன்றையும் அனுபவிக்காமல் இளைமையிலேயே சாகப்போகிறேனே “ என்று கவலை கண்ணில் முட்டியது..
உலக அழிவுக்கு முதல் 5 செக்கனில் என்ன யோசித்திக்கொண்டிருப்பேன் ? என்று கவலையுடன் சீரியசாக யோசித்தவாறே கொட்டாவியை எக்ஸ்டென்ட் பண்ணினேன் ..

விட்ட கொட்டாவி பாதியிலே நிற்க என் கண்கள் ஆச்சரியத்தில் விரிந்தன..
காரணம் எதிர் ப்ளாட்டில் என் வீட்டுக்கு நேரெதிர் வீட்டில் ஏதோ சன நடமாட்டம்..
இத்தனை நாளாய் பூட்டிக்கிடந்த வீட்டில் பேச்சுச்சத்தம்..
ஆர்வத்துடன் கூர்ந்து பார்த்த போது அந்த கதவு திறந்தது ..
உள்ளிருந்து ஒரு சுமாரான பிகர் ஏதோ பாடிக்கொண்டே வெளியே வந்து என்னைப் பார்த்ததும் வெட்கப்பட்டு திருப்ப உள்ளே ஓடிவிட்டது..
நானும் சிரித்துக்கொண்டே உள்ளே திரும்பினேன்..

2011 ம் ஆண்டு டிசெம்பர் 12 ஆம் திகதி

முன் வீட்டுப்பிகரை ஓரளவு மடக்கியாகிவிட்டது..

சம்பளக்காசில் பாதியை அவளுக்கு பிரசன்டாக வாங்கி மாசாமாசம் அவள் வீட்டுக்குள் எறிவதும் , அதை அவள் தேப்பன் திருப்பி கீழ்வீட்டுக்காரனின் மனிசிக்கு எறிவதுமாக கடந்த ஒருவருடம் கழிந்து விட்டிருந்தது.. ஆனால் இன்று வாங்கி வந்திருந்ததை அவளுக்கு எப்படியாவது கையில் கொடுத்துவிடவேண்டும். ஏனெனில் அவள் ஒருநாளும் காலையில் நான் டீ குடிப்பதை புன்னகையுடன் தரிசிக்க தவறுவதில்லை.. இன்று பென்டோச் ஒன்று வாங்கி வந்துள்ளேன்.. எறிகிற எறியில் அவள் மண்டை உடைந்தாலும் பரவாயில்லை.. பறந்து போய் எதிர்வீட்டை அடையுமாறு பாரமான சாமானாக தேடி வந்துள்ளேன்.. உள்ளே என் லவ் லெட்டரும் சொருகியாகிவிட்டது..
” அதோ அவள் வருகிறாள்..
ம்ம் புன்னகைக்கிறாள்..
சரி எறியலாம் ” என்று எறியவெளிக்கிட்டவேளை ...
அவளது பார்வை கீழ் ப்ளாட்டில் நிலைத்தது..

ஒரு வெட்கப்புன்னகையும் அங்கே போயிற்று..
அதிர்ச்சியடைந்த நான் விடுவிடு என்று கீழே எட்டிப்பார்த்தால் போனவாரம்தான் புதிதாய் குடிவந்த ஒரு குண்டுப்பையன் இவளுக்கு நூல் விட்டுக்கொண்டிருந்தான்.. இவளும் அவனுக்கு கொஞ்சம் பொறு என்று சைகை காட்டிவிட்டு உள்ளே போக , எனக்கு கபகப என்று கோபம் எரியாலாயிற்று…

துரோகி சனியன் பிசாசு.. மீசை துடிக்க, ரத்தம் கொப்பளிக்க, திரைச்சீலை மறுபடியும் விலகுவதை கண்ட நான் கையிலிரந்த டோர்ச்சை ஆவேசமாக அவளை நோக்கி வீசினேன்..
ஆனால் ..

மடேர் என்ற சத்தத்தடன் கீழே அலறியபடி விழுந்தது அவளல்ல.. அது நானி கிழவி நானி..

நாசமறுந்த கிழவி.. அதை எனக்கு கண்ணிலும் காட்டக்கூடாது.. பனடோலை பச்சையாக கடித்து சப்பிவிட்டு போறவாக்கில ராசா மோனே என்று பச்சக் என்று கிஸ் அடித்துவிடும் ..

பிறகு அவருப்பில் வீடுவந்து ஹாப்பிக் போட்டுத்தான் கன்னத்தை கழுவுவேன்.. அந்தக்காலத்தில வேம்படி ஸ்போட்ஸ்காரியாம் என்று 90வயதாகியும் உயிருடன் இருக்கிறது.. எப்பவாவது பிகரை சந்திக்கப்போனால் முறாய்புடன் குறுக்கவந்து குழப்பிவிடும் .
கிழடு இன்றைக்காவது என் புண்ணியத்தில் பொய்ச்சேரட்டும் என்று உள்ளே ஓடிவிட்டேன்..
அத்தோட நாளைக்கு கீழ்வீட்டுக்குண்டனுக்கு வைக்கிறன்டா வெடி என்று மனது்க்குள் திட்டமும் தீட்டிக்கொண்டேன்..

2012 மார்ச் முதலாம் திகதி..

முன்னைய உற்சாகம் இல்லாவிட்டாலும் முன்வீட்டுப்பிகர் என்னை சைட் அடிக்கத்தான் செய்கிறது.. கிழவி நானி மண்டையைப்போமென்று பார்த்தால் , அது ஒரு மாதம் ஆஸ்பத்திரி கவனிப்பில நல்லா திண்டு தினவெடுத்து, இப்போ ஜிங்குஜிங்கு எண்டு குதித்துக்கொண் திரியுது.. கீழ்வீட்டுப்பெடியனுக்கு ஆள்வச்சு அடிச்சதில எங்க ஓடினானோ தெரியேல்ல..

எல்லாம் ஒழுங்காயிருந்தும் எனக்கு ஒரே கவலை.. ”சே கலியாணம் கட்டாம சாகப்போறமே … என்ன கொடுமையிது.. ?”

கொஞ்ச நேரம் சிந்தித்தவன் மளமளவென்று ஒரு மெயிலை திறந்து மஹிந்தமாமாவுக்கு ஒரு லெட்டர் எழுத ஆரம்பித்தேன்..

”மாமா எங்களைப்போன்ற அப்பாவி இளைஞர்களுக்கு ஒரு கலியாணம் கட்டி வையுங்கள் ப்ளீஸ்..”

2012 ஜுன் முதலாம் திகதி..

எனது கடிதத்தை படித்த ஜனாதிபதி உடனடியாக ஒரு ஏற்பாடு செய்திருந்தார்.. 16 வயதுக்கு மேற்பட்ட அனைவரும் கட்டாய திருமணம் செய்யவேண்டும்.. ஓகஸ்ட் முதலாம் திகதி எல்லாருக்கும் ஒரே நாளில் திருமணம்.. திறமையுடையவர்களுக்கு சிறந்த பெண்கள் கிடைக்குமடிப்படையில் , ஆண்களுக்கு ஓட்டப்போட்டி வைத்து , அவர்கள் ஓடிச்சென்று கைப்பிடிக்கும் பெண் அவர்களது மணப்பெண்ணாக அமையப்பெறும்.. ஆண்களையும் பெண்களையும் ஒரு கிலோமீட்டர் தொலைவில் பாரிய குழுமமாக நிறுத்தியிருப்பார்கள்.. தாரமிழந்தவர்கள் கணவனிழந்தவர்களும் பங்குபெற்றலாம்..

அநிவித்தல் வெளியாகி நாலு மணித்தியாலத்தில் எல்லாப்பெடியங்களும் ஓடப்பழக ஆரம்பித்திருந்தார்கள்.. வழமைபோல , கடைசிநேரத்தில் எல்லாம் வெல்லலாம் என்று போட்டிக்கு பத்துநாட்களிருக்கும் போது நான் க்ரெண்ட்சுக்குபோனால் , அங்கே காட்டுக்குதிரைக்கு ஒரு ரௌண்ட் லீட்வைத்து ஓடிக்கொண்டிருந்தார்கள் அந்தக் கட்டையில போனவர்கள்.. எனக்கு காவாசி க்ரௌண்ட் ஓடவே கல்லீரல் கரைஞ்சு காதல வர ஆரம்பித்தது..

என்னடா செய்வது என்று யோசித்துக்கொண்டிருந்தபோது , அன்றைய ப்ராக்டிசில் குதிரையை 3 க்ரௌண்ட் லீட்டில் வென்றவனை எல்லாரும் பாராட்டிக்கொண்டிருந்தார்கள்.. அவனை பார்த்த எனக்கு வாய் வயரிலடிப்பட்ட வவ்வால் போலாகிவிட்டது.. அவன் வேறுயாருமல்ல முன்னர் என்னால் அடித்து துரத்தப்பட்டஅந்த கீழ் வீட்டுக்குண்டன்..
6 பக்சுடன் அருகில் வந்து கிசுகிசுத்து விட்டு சென்றான “டேய் மவனே அந்த பிகர் எனக்குத்தான்டா”;..

2012 ஜுலை முதலாம் திகதி..

“ ஜனாதிபதி அவர்களே.. ஆதிகாலத்திலருந்து பெண்களுக்காக ஆண்களையே போட்டி வைத்து பாடாய்படுத்துவது அபத்தமாகும்.. இந்த முறை பெண்களுக்கும் சந்தர்ப்பம் கொடுங்கள்..“ என்று உருக்கமாக மெயிலடித்துவிட்டு முதன்முறையாக , அவசரஅவசரமாக பதட்டத்துடன் ஏதிர்வீட்டுக்கு கோலெடுத்தேன்..

போனையெடுத்து சொல்லுராசா என்ற நானிக்கிழவிக்கு ” அடப்பாடையில போறவளே...போனை அவளட்ட குடுக்கப்போறியா இல்லியா” என்று கத்திவிட்டு , பதறியடித்து போனில் வந்த பிகருக்கு விடுவிடு என்று திட்டத்தை விபரித்தேன்.. “இஞ்சபார் ! உன்னை நான் 3 மாசமும் கண்கலங்காம வைச்சு காப்பாத்துவன்.. என்னால இனி ஓடி அவனை வெல்லமுடியாது .. இவளவு காலமும் என்னைப்பாத்து சிரிச்சது உண்மையெண்டால் நீ இண்டையிலருந்து ஓடிப்பழகு”

பிகர் ஓடிப்பழக ஆரம்பித்தது ..

2012 ஆகஸ்ட் முதலாம் திகதி..

விஞ்ஞானிகளின் கூற்று பிழைத்ததால் எக்கணமும் விண்கல் வந்து மோதலாம் என அறிவிக்கப்பட்டுவிட்டது.. அவசரஅவசரமாக சுயம்வர ஓட்டமும் அறிவிக்கப்பட்டது.. எனது வேண்டுகோளை ஏற்றுக்கொண்ட ஜனாதிபதி பெண்கள் பிரிவும் ஓடி மணாளனை கைப்பற்றலாம் என் 2 நாட்களுக்கு முன்னம்தான் அறிவித்தது.. ப்ராக்டிசில் மற்றப்பிள்ளைகளுக்கு 3 ரவுண்டு லீட் வைத்து ஓடியது எனடபிகர்.. என் பிளானின் படி தலையில் அவள் சாக்கைப்போட்டுக்கொண்டு ஓடிவந்து என்னைக் பிடிப்பதுதான் ப்ளான் .. வெறுமனே ஓடிவந்தால் குண்டன் பாதிவழியில் லபக்கென்று பிடித்துவிடுவானல்லவா?

2012 ஆகஸ்ட் மூன்றாம் திகதி..:ஓட்டபந்தயத்திகதி…

ஜனாதிபதி வானத்தை நோக்கி சுட அனைவரும் ஓடலாயினர்.. அவள் தலையில் சாக்கைப்போட்டவாறு என்னை நோக்கி ஓடிவந்து கொண்டிருந்தாள்.. நான் மகிழ்வாக பார்த்துக்கொண்டிருந்தேன்.. என்னோடு நின்றிருந்த எல்லாப்பையன்களும் அரைக்கிலோமீட்டர் ஓடிவட்டிருந்தார்கள்.. அதேவேளை அவளும் தனியாக அரைக்கிலோ மீட்டர்நடுப்பகுதியில் ஓடிவந்து கொண்டிருந்தாள் . எல்லாம் சக்சஸ் என்று சந்தோசமாக கையைதட்டியவாறு திரும்பிய எனக்கு பகீரென்றது.. பக்கத்தில் குண்டன் நரிச்சிரிப்புடன் நின்று கொண்டிருந்தான்..

எனக்கு கணநேரத்தில் புரிந்து விட்டது.. எப்படியோ அவனுக்கு யாரோ சொல்லிவிட்டார்கள்.. அனேகமாய் அவளாய்த்தானிருக்கும் .. பகீரென்று நான் அவளை நோக்கி ஓட ஆரம்பிக்க அவனும் பறக்கலானான்..

என் முழிபிதுங்கி பிரிமென்நகடு நசுங்கி பழைய ஆமட்கார்போல எலும்பெல்லாம் கடமுடகடமுடவென்று சத்தம் போடும் போது அவன் பிகரை நெருங்கிவிட்டான்.. ஏறத்தாழ தொட்டுவிட்டகணத்தில் அவள் கிளித்தட்டு போல அவனை உச்சி தப்பி என்னை நோக்கி ஓடிவர நானும் கடைசி மூச்சை இழுத்துப்பிடித்துக்கொண்டு அவளை நோக்கி ஓடினேன்..

கோபமடைந்த குண்டன் அவளை துரத்தி பிடிக்க முயன்றாலும் அவள் வெட்டி ஓடவே எனக்கும் அவளுக்கும் இப்போ இடைவெளி வெறும் 25 மீட்டர்தான்.. அந்தநேரத்தில் அவன் பாய்ந்து அவளை பிடிக்க முயற்பட , அவள் தலையை மூடியிருந்த சாக்கு அவன் கையில் மாட்டி கழன்று விட்டது.. தடுமாறிவிழுந்த அவள் எழும்பினால்..

அது ..

என்ட அம்மாடி ஐயோ .. அது அது.. அந்த நானிப்பாட்டி..

கொஞ்ச நேரம் விக்கித்து நின்ற நான் நிலமை விளங்கியதும் என்ட ஐயையோ! என்று அழுது அலறியவாடி மறுபக்கம் திரும்பி ஓட ஆரம்பித்தேன்..

பின்னால் ”கண்ணா என்னை கட்டிக்கடா ராசா ” என்று கத்தியவாறு நானிப்பாட்டி நைட்டி பறக்க ஓடிவந்து கொண்டிருந்தாள்.. அந்த் பச்சக் வித் பனடோல் ஞாபகத்துக்கு வர , ”பிடித்தால் ? ஆத்தாடி!”
பின்விளைவுகளை எண்ணிப்பார்த்த நான் ஓடினேன் பாரு ஒரு ஓட்டம்..

பின்னங்கால் பிடரியிலடிபட ஓடுதல் பழைய பாஷனாகையால் முன்னங்கால் மூக்கிலடிபட ஓடினேன்.. உயிர் கண்ட இடத்திலெல்லாம் ஊஞ்சலாடியது..

இனிதாங்க முடியாது..
கிழவி தொடப்போகிறாள்..
ஐயோ இன்னும் 10 செக்கன் தூரம்தான்..
இன்னும் 5 செக்கன் ..
முடியப்போகுது என் கதை..

அந்தக்கணம் அப்பர் கேட்ட அசரீரிபோல பொலீஸ்ஸ்டேசன் ஸபீ்க்கரில் ஏதோ கேட்டது..
“ஐயோ மக்களே ! இன்னும் 5 விநாடிகளில் எம் பூமிசுக்குநூறாகப்போகிறது..”

நெஞ்சில் யாரோ அஞ்சுலீட்டர் ஐஸ் பால்வார்த்தது போல இருந்தது..

புல்லட் மிக்ஸ்

2010-02-12T20:15:00.020+05:30

சும்மா வெறுமையா விட்டு வச்சிருக்க அலுப்படிப்பதால் கொஞ்சும் கொசுறு மாட்டர்களை கலந்து ஒரு பதிவு

சினிமா

வாழ்க்கையிலயே முதன்முதலா நெளிஞ்சு நெளிஞ்சு ஒரு படத்தை பாக்க வேண்டியிருந்தது .. ஈரோசில கோவா போட்டாங்கள்.. வெங்கட பிரபுவை நம்பி ப்ரென்ச கம்பெல் பண்ணி கோவா பாக்க கூட்டிட்டு போனேன்.. அவங்க படம் முடியறப்போ காறி மூஞ்சிலயே துப்பிட்டாங்க..

அவனா நீயி எண்டு ஆளாளுக்கு கேள்வி வேற!

அங்க முன்னலாம் ஏதாவது படம்போட்டா சிங்களவன்தான் கூட்டமா இருப்பான்.. ரூம் போடுறதுக்கு காசில்லாம லவ்வரோட அங்க வந்து அரை மணித்தியாலம் படம் ஓட்டுவான்.. நமக்கு எந்தப்பக்கம் ஓடுற படத்தை பாக்கிறது எண்ட குழப்பம் இருக்குமே தவிர குடுத்த காசு வீணாப்போனதா ஒரு பீலிங்க்ஸ் வராது.. (சும்மா பகிடிக்குங்க) இந்த முறை பாக்கிறதுக்கு அவங்க கூட இல்ல..

பின்ன ஆம்பிளையும் ஆம்பிளையும் கட்டிப்பிடிச்சு ரொமான்ஸ் பண்ணிட்டிருந்தா எவன்பா இருப்பான்?

வாசிப்பு

உந்த படத்தை பற்றி யாராவது நல்லா கமெண்ட் எழுதினா அவன் காக்காவலிப்பு வந்து சாகவேணும் எண்டு கடவுளை கும்பிடுவம் பதிவுலகத்தை உருட்டினா ஒரே ஒருத்தர் அம்பிட்டார்.. அவர்தான் சாருநிவேதிதா..

அந்தாள் ஒரு அரைலூசன் என்று நான் கணக்கிலெடுப்பதேயில்லை.. மற்றவன் முன்னுக்குபோவதை சகிக்காத மற்றும் தான்தான் பெரிதென்ற ஆணவம் அவரிடம் காணப்படுவதாக நான் நினைக்கிறேன்.. பெண்களினை ஏதோ அந்த மேட்டருக்கு அலைபவர்கள் என்று வர்ணித்து ஆண்களுக்கு பீதியை கிளப்புவது அவர் எழுத்துகள் என நினைக்கிறேன்.. அவருடைய எழுத்து அறிமுகம் கிடைத்தது ஒரு தற்செயலான சம்பவம்..

முன்னொருநாள் , மிகவும் தங்கமானவள் என்று நாம் கதைக்கும் ஒரு பெண் வெள்ளவத்தை லொட்ஜ் ஒன்றில் காதலனுடன் இருந்தபோது மயக்கமாகிவிட , மேட்ர் வெளியில் தெரிந்து அன்று பிரச்சனை பூதாகாரமாகி விட்டிருந்தது.. எனக்கும் ஒரே அதிர்ச்சி என்னடா இப்பிடி இருக்கிறாளயளே என்று யாரை நம்புவது என்று தெரியவில்லயே என்று ..

சேசே எல்லாரும் அப்பிடி இருக்காதுகள் ஆயிரத்திலொன்றுதானிப்படி என்று நமக்குநாமே சொல்லி ஆறுதல்பட்டு திரும்புகையில் , வந்தியர் லோசன் அண்ணரிடம் கொடுக்குமாறு ஒரு புத்தகத்தை தந்தார்.. நானும் சரி ஏதோ இப்படியான ஆக்களின் புத்தகத்தை வாசித்தால்தான் எனக்கு வாசிப்பு பழக்கம் உண்டு என பீற்றிக்கொள்ளலாம் என்று குழப்பம் நிறைந்திருந்த மனதை மாற்றுவதற்காக குளித்து ப்ரெஷ்ஷாக புத்தகத்தை திற்நதேன்.. பெயர் சீரோ டிகிரியாம்..

யாரெழுதுவது என்று பாத்தால் யாரோ சாரு நிவேதிதாவாம்…

ஸ்டாட்டிங்கில , புத்தகம் படிக்கிற நீ இப்ப என்ன செஞ்சிட்டிருப்பாய் எண்டு ஏதோ சொல்ல வெளிக்கிட்டார்..அதுவே பத்துப்பக்கம் இருந்தது.. சரி என்னடா இது பக்கம் பக்கமா சொல்லுறாரெண்டு வாசிக்க வெளிக்கிட்டன்.. கொஞ்சத்தூரம் போக ஒரு பின்னவீனத்துவ ட்ரிபிள் எக்ஸ் கதை போல தொடங்க ஆரம்பித்தது.. அதிலும் பெண்களைத்தான் குறிவைத்து பின்னியிருந்தார்.. ஆத்தாடி என்று பயந்து போய் புத்தகத்தை மூடிவிட்டு கொஞ்சம் ஆசுவாசப்படுத்திக்கொண்டு றண்டமாக ஒரு பக்கத்தை திறந்தேன்.. அங்கே ஒரு தலைப்பிருந்தது
“குரங்கை கற்பழித்த பெண்”

அண்மையில் கூட தெகிவளை சூவுக்கு செல்லும் போது குரங்குகளை ஒரு சந்தேக கண்ணோடுதான் பார்க்க முடிந்தது.. அந்த புத்தகம் எனக்கு சத்தயமாக விளங்கவில்லை. வெட்கத்தை விட்டுசொல்கிறேன்.. என்னால் 3 ஓ 4 பக்கங்களுக்கு மேல் படிக்க என்ன புரட்டவே முடியவில்லை.. அவ்ளோ போர்..

அத்துடன் பல காலத்துக்கு பின் எனக்குள் உருவாகிய தமிழ் வாசிப்பு பழக்கம் மீள ஓளித்துக்கொண்டுவிட்டது..

இத்தகைய பெருமையுடைய அந்த மனிதர்தான் கோவாவை நல்லபடமென்று புகழ்ந்திருந்தார்.. எனக்கு அப்போ அவர் பெண்கள் மீது கடுப்பு பாட்டுவதற்கான காரணம் லைட்டாக புரிந்தது.. :P

நிகழ்ச்சிகள்

மேற்படி கோவா படம் தயாரித்த சொளந்தர்யா ரஜனிகாந்த் படத்தை பாதி எடுத்தபோதே பாத்திட்டாரோ என்னவோ , சட்டுபுட்டண்டு கலியாணம் கட்டப்போறாராம்.. பட்ட கடனெல்லாம் தகப்பன்தான் அடைச்சதாம்.. ரஸினி காசில வெங்கட் கும்பல் மலேசியா முழுக்க சுத்திட்டுது… அத்தோட சௌந்தர்யாவோட கனவுத்திட்டமான சுல்தான் த வாரியர் படமும் கைவிட்டாச்சு போல கிடக்கு..

செமையா வாங்கிக்கட்டினாலும் முயற்சியும் உழைப்புமுடைய அந்த அக்கா முன்னுக்கு வரவேணும்.. ஏனெண்டா ஒரு தவறான உதாரணமா மற்ற ஆர்வுமுள்ள பெண்களுக்கு அவங்க அடைந் விடக்கூடாதில்லயா?

என்னதான் இருந்தாலும் அவவுடைய ஆண்மைத்தனமான ஆங்கிலம் எனக்கு பிடித்தமான ஒன்று.. சும்மா கதைச்சாங்களெண்டால் அதிரும் .. டெரரா இருக்கும்.. அமெரிக்காவில அனிமேசன் படிச்சவவாம்.. மனப்பர்வமான நிச்சயதார்த்த வாழ்த்துக்கள்..

அரசியல்

சரத்தை பிடிச்சு உள்ளபோட்டதை தொடர்ந்து ஒரே அமளி துமளி.. சிங்களவன் தங்களுக்கயே கட்டிப்பிச்சு அடிபடுறாங்கள்.. லசந்தவை போட்டுதள்ளினது மற்றும் ரவிராஜ் போன்ற பலரை போட்டுதள்ளினது சரத்தானெண்டு கதையடிபடுகுது.. சனியனுக்கு நல்லா வேணும்.. நல்லகாலம் தமிழ்ச்சனம் அவனுக்கு ஓட்டுப்போட்டது.. இனி ஒருகாலமும் சிங்களச்சனம் அவனை ஏறெடுத்தும் பாக்காது.. குறைஞ்சது 5 வருசம் உள்ள என்பது நிச்சயம் போல கிடக்கு.. அமரிக்காவும் நோர்வேயும் ஏதாவது செய்வமெண்டுபாக்க கோத்தாமாமா முந்திகொண்டு ”டேய்! நீங்கதானே அவனுக்கு காசு குடுத்தனியள் .. பொறுங்கடா வாறன்” எண்டு கத்த , ரெண்டுபேரும் ஐயையோ ! நானில்ல நானில்ல எண்டுகொண்டு கையத்தூக்கிட்டாங்கள்..

இனி கொஞ்சம் படங்கள்..

பிக்குவின் பிஜாமாவையே உருவும் கலகமடக்கும் பொலீசார்

பொலீஸ்காரர் பொலிஸ்காரர் ! நான் ஆம்பிளை பொலி ஸ்காரர்.. அதுக்குள்ள என்னத்தை எட்டிப்பாக்கிறீங்க?

அதெல்லாம் பிரச்சினையில்ல சாமி.. இப்போதான் ஈரோசில கோவா பாத்திட்டு வாரோம்.. கொஞ்சம் கோஆப்பரேட் பண்ணுங்க ப்ளீஸ் !

ஆத்தாடி ! எவண்டா அவன் கோவாவை இலங்கையில றிலீஸ் பண்ணது? இவன் பாவி பொம்பளை புள்ளைங்கள விட்டுட்டு நம்மளத்‌ தொரத்துறானே?

நாமலும் களத்தில இறங்கிட்டார்.. ஆகவே அடுத்த 50 வருசத்தில நாட்டுக்கு பெயரே சிறிபக்சா எண்டு மாறினாலும் மாறிடும்போலருக்கு.. ஏதோ நடந்து துலையட்டும்.. ஒண்டும் நம்ம கையில இல்லை.. ஏதோ மிஞ்சியிருக்கிற சனம் மனுசர் மாதிரி வாழ ஏதாவது வகையிருந்தா தற்போதைக்கு காணும்.. மறுபடி அடுத்த எலெக்சன் வருதாம் ..

சிறீலங்கா நமோ தாயே தாயே..

பிகு: அடுத்தவாரம் ஏழுநாட்களும் ஏழு பதிவுகள் தர திட்டமுள்ளேன்.. டைமிருந்தா வந்து வாசிங்க..

அவுஸ்திரேலியா அடித்த ஆப்பு..

2010-02-08T23:38:00.013+05:30

முற்குறிப்பு: இது AUstralian Skilled Migration குறித்தானது... என்னுடைய பல நண்பர்கள் இது குறித்து என்னிடம் கேட்பதால் இந்த பதிவு.. :-)

பல இந்தியர் மற்றும் சீனர்களின் கனவு தேசங்களில் பிரதான இடம் வகிப்பவை இரண்டு.. முதலாவது அமெரிக்கா.. இரண்டாவது அவுஸ்திரேலியா..

கணக்கியல் மற்றும் பொறியியலில் ஆரம்ப பட்டப்படிப்பை முடித்தவர்கள் முதல்வகுப்பில் பாஸாகியிருப்பின் , மேற்கொண்டு படிக்க விரும்பினால் அமெரிக்கா போவதும் , அப்படி விருப்பமோ அல்லது தகுதியோ குறைவாயிருந்தால் ஒரு வருடம் தம்நாட்டில் வேலை செய்துவிட்டு அவுஸ்திரேலியாவுக்கு SKILLED MIGRATION இல் போவதும் வழமை..

ஆனால் இன்று ( பெப் 8) அவுஸ்திரேலிய குடிவரவு குடியகல்வு அமைச்சர் ஆற்றிய உரையை தொடர்ந்து இரண்டாவது ஓப்சனுக்கு பாரிய அடிவிழுந்திருக்கிறது..
என்ன நடந்தது என்பது குறித்து சற்று விபரமாக ஆராய்வோம்..

அவுஸ்திரேலியாவில் SKILLED MIGRATION மூலம் பிர எடுத்து குடியேறுவதாயின் உங்கள் பட்டப்படிப்பு குறித்த சில அமைப்புகளால் அங்கீகரிக்கப்படவேண்டும்.. உதாரணமாக பொறியியல் என்றால் IE AUSTRALIA என்பதாலும் கணணிப்படிப்பு என்றால் ACS ஆலும் ரெயில் சிக்னலிங் என்றால் IRSE ஆலும் என்று ஒவ்வொன்றுக்கு ஒன்று வைத்திருக்கிறார்கள்..

நீங்கள் அந்த அமைப்புகளால் நேரடியாக அங்கீகரிக்கப்பட அவுஸ்திரேலிய அல்லது அமெரிக்க அல்லது குறித்த சில UK பல்கலைகளில் படிப்பை முடித்திரு கவேண்டும . தவறும் பட்சத்தில் , அதாவது வேறு ஏதாவது இந்திய சீன பல்கலைகளில் கற்றிருந்தால் ,நீங்கள் 1 வருடம் குறித்த துறையில் வேலை செய்து அதை CDR (competency demonstration report )எனும் அறிக்கையாக 40 ,50 பக்கங்களில் எழுதி குறித்த அமைப்புகளிடம் சமர்ப்பிக்க வேண்டும்.. (கணணித்துறயாயின் CDR தேவையில்லை.. ஆனால் 4 வருட அனுபவம் வேண்டும் )

அதை அனுப்பி ஏறத்தாழ 4 அல்லது 5 மாதங்களின் பின்னர் , குறித்த அமைப்பால் உங்கள் தகுதி அங்கீகரிக்கப்பட்ட படிவம் உங்களுக்கு கிடைக்கும்.. பின்னர் நீங்கள் நிரந்தர வதிவிட விசாவுக்கு அப்ளை செய்யலாம்.. அதற்கு elligible ஆகுவதற்கு உங்களுக்கு இமிகிரேசன் பொயிண்ட் சிஸ்டத்தின்படி 120 மார்க்கு தேவை.. (அது கணிக்கும் முறையை பின்னர் கூறுகிறேன்.. )

அந்த விசாவுக்கு அப்ளை பண்ணியதன் பின்னர் , அதன் முடிவு வர இன்னும் ஏழு எட்டு மாதங்களாகலாம்.. நடுவில் பொலிஸ் றிப்போர்ட் அது இது என்று ஊருப்பட்ட ஆய்க்கினை செய்வார் உங்களுக்கு ஒதுக்கப்பட்ட CO (case officer). அதையெல்லாம் தாண்டி ஒரு மாதிரியாக விசாவை பெற்று , இங்கு எல்லாப்பிளளையாருக்கும் விழுந்துருண்டுவிட்டு , அங்கு போய் ஒரு மூன்று அல்லது நான்கு மாதம் கோப்பை கழுவ வேண்டும்.. ஏனெனில் அங்கு உடனடியாக யாரும் professional வேலை எடுத்ததாக சரித்திரம் இல்லை.. கொஞ்சக்காலம் கழுவிக்காயவைத்து பிழிஞ்சு ஊறப்போட்ட பின்பு , 15 வது இன்டவியுவில் ஒரு நல்ல வேலை கிடைத்து ஒரு வீட்டை வாங்கி அப்படி இப்படி என்று செட்டிலாகி; பின்பு அங்கிருந்து தெருவால் சிவனே என்று போகும் கங்காருவுடன் படமெடுத்து , அதை பேஸ்புக்கில் போட்டுவிட்டு இங்கிலிசில் மாறி மாறி "WOW ! SO CUTE !" என்று கமெண்ட் அடிப்பார்கள்.. இதுதான் வழமை..

உப்படி அத்தனை கனவுகளை யும் நனவாக்கும் அந்த பாயிண்ட் சிஸ்டத்து 120 மார்க்குக்குதான் இப்போது பாரிய வெடி விழுந்திருக்கிறது..

உங்கள் பட்டப்படிப்புக்கும் அனுபவத்துக்கும் (SOL - skilled occupation list இல் இருந்தால் மட்டும் ) 60 புள்ளிகள்.. உங்கள் IELTS RESULTக்கு 25 புள்ளிகள்.. (எல்லாக்கூறுக்கும் 7 க்கு மேல் இருக்குவேண்டும் ) .. உங்கள் வயசுக்கு 30 புள்ளிகள் ( 29 க்கு உட்பட்டதாயின் )... தொழில் MODL ( migration occupations in demand list) இல் இருந்தால் அதற்கு 25 புள்ளிகள் .. ஆகமொத்தம் 140 புள்ளிகள் வழமையாக எல்லாருக்கும் வரும்.. ஆனால் அந்த கட்டையில போன மந்திரி MODLக்கான 25 புள்ளி இனி இல்லை என்று அறிவித்து விட்டான்.. ஆகவே தற்போது எல்லார்கையிலும் 115 புள்ளிகள்தான் இருக்கப்போகிறது.. அப்போ இனி யாரும் இல் அவுஸ்திரேலியா போகமுடியாது என்றுதானே மறைமுக அர்த்தம்.?

அவுஸ்திரேலியா அப்படி ஒரு முடிவெடுக்க என்ன காரணம்?

பெரிய காரணம் இருக்கு... இந்த பெரும்பாலான இந்தியர்களும் சீனர்களும் SKILLED MIGRATION இல் அங்கு போனாலும் , அங்கு யாரும் இஞ்சினியராயோ எக்கொண்டனாயோ வேலை செய்வதில்லை.. காரணம் அங்கு தனிக்கட்டைகளுக்கு வருமானத்தில் 45 வீதம் வரி அடிப்பார்கள் .. கலியாணம் கட்டினால் கொஞ்சம் குறைத்து அடிப்பார்கள்.. பிள்ளை குட்டி இருந்தால் இன்னும் குறையும்.. சுருக்கமாக சொல்லப்போனால் உனக்கு தேவாயனதை மட்டும் விட்டுட்டு மிச்சத்தை கொடுப்பது மாதிரி கொடுத்து பின் தானே உறுஞ்சிவிடும அந்த நாடு..

இது நம்மாக்களுக்கு பிடிப்பதில்லை.. ஆகவே , பதிவு செய்யாத, கணக்கு காட்ட தேவையில்லாத தொழில்களில் இறங்கி காசு அள்ள ஆரம்பித்தார்கள்.. உதாரணத்து டக்சி ட்ரைவிங்.. முடிவெட்டுதல் ,சொதிக்கு பாலூத்துதல் (அதுதாங்க சமையல்) போன்ற குறைவான திறமையுடைய வேலைகள‌ை GSM இல் சென்றவர்கள் செய்யவே , அங்கு திறமையாளருக்கான தேவை அதிகரித்தே காணப்பட்டது..

இதென்னடா புதுக்குழப்பம் என்று அதிகாரிகள் தலைய சொறிந்து கொண்டிருக்கையில் சென்ற வரும் ஒரு லட்சத்து எழுபதினாயிரம் பேர் போய்ச்சேர்ந் விட்டார்கள்..ஆகவே தற்போதுள்ள முறையில் ஏதாவது மாற்றம் கொண்டுவருவதற்காக தற்காலிகமாக மறைமுகமாக SKILLED MIGRATION ஐ நிறுத்தியுள்ளார்கள்..

ஆனால் சீனாவிற்கான அதிகரித்த வழங்கலை தேவையை சமாளிக்க புதிய தொழிலாளர்கள் தேவைப்படும்.. ஆகவே நிலமை மறுபடியும் வரும் ஏப்ரல் இறுதியில் சரியாகும் என் பலர் நம்புகிறார்கள்.. பார்க்கலாம்..

ஆனால் இந்த பிரச்சனைக்குரிய 120 பொயிண்ட் பற்றாக்குறையை உடைக்க ஒரு வழியிருக்கிறது.. NAATI என்ற பரீட்சை றையில் ஒரு தமிழ்மொழிப்பரீட்சையை எடுத்து பாஸ் பண்ணினால் எக்ஸரா ஒரு 5 பாயிண்ட் கிடைக்கும்.. ஆகவே 115 +5 = 120 வந்துவிடும்.. அல்லது உங்கள் நெருங்கிய உறவினர் யாராவது அவுசியிலிருந்து ஸ்பொன்சர் செய்வாராயின் மொத்தமாக வெறும் 100 பொயிண்ட் போதுமானது.. ஏதாவது வழி நண்பர்காள் டோன்ட் வொறி பி ஹப்பி..

ஆனால் SKILLED MIGRATION PROCESS ஆனது ஏறத்தாழ 4 இலட்சம் ரூபாய் முதலீட்டில் நடைபெறுவது.. ஆகவே சற்று பணத்தில் றிஸ்க் எடுப்பவர்கள் சிந்தித்து முடிவெடுங்கள்..

ஆனால் ஒன்று மட்டும் நிச்சயம்…உதெல்லாம் இலங்கையில இருப்பவனை எள்ளளவும் பாதிக்காது.. சடாரெண்டு ஒரு கோர்சுக்கு அப்ளிக்கேசன போட்டுட்டு அங்க ய்ச்சேர்நதிடுவாங்கள்.. அங்க எங்கயாவது ஒரு அவுஸ்திரேலியன் பொலீசை கண்டவுடன “அண்ணாத்தே ! ஐ வோண்ட் அசைலம் “ எண்டு கொப்பிய கீழபோட்டுட்டு கையை தூக்கிடுவாங்கள்..

கோஸ் பீயும் றிடேர்ன் பண்ணி மாசாமாசம் செலவுக்கு காசும் தந்து ப்ரியா படிப்பிச்சும் விடுவாங்கள் அப்பாவி அவுஸ்ரேலியங்கள்.... உள்ள போகும் வரையும்தான் நம்மாளுக்கு சிக்கல்.. போட்டானோ? ப்ரைம்மினிஸ்டருக்கே பப்பாப்பழம் தீத்துவாங்கள்..

உப்பிடி என்னுடைய நிறைய்ய நண்பர்கள் இப்போ அவுசியிலதான் ஜம்மெண்டு இருக்காங்க.. இப்போ ஒரு குரூப்பு அவுசி ப்ளானுக்காக மலேசியா போய் நிக்குது.. ப்ளான் சக்சசாகி அசைலம் குத்திட்டானுங்கன்னா உங்களுக்கு அந்த கதைய விலாவாரியா சொல்றேன்.. அவங்களுக்கா கொஞ்சம் ஆண்டவனை வேண்டிக்குங்க.. :P

:-)

P:S -

Recent MODL changes

From 8 February 2010 all MODL occupations are removed from the MODL. Therefore, all applicants who lodge an application on or after this date will not be eligible for the award of MODL points unless the applicant:

holds a subclass 485 (Skilled-Graduate) visa or has applied for a subclass 485 (Skilled Graduate) visa and is yet to apply for a permanent or provisional General Skilled Migration (GSM) visa
or
on 8 February 2010 had a pending application for a GSM visa.

Refer : Recent MODL changes

Ausie Migration Ministers site: http://www.minister.immi.gov.au/

அடிக்கடி ஒரு ஜீவன் : இன்று Weasel

2010-02-06T15:19:00.026+05:30

"OH MY SAMPALEEEEEEEE!"

ராசம்மா கத்திய கத்தலில் காக்காய் ஒண்டுக்கு ஹாட் அட்டாக் வந்துவிட்டது. மரத்திலிருந்த 50க்கு மேற்பட்ட காக்காய்களும் கத்தியவாறே படபடவென்று அலமலக்கப்பட்டன..

ஓடிவந்த ராசம்மா வாயைப்பொத்தியவாறு மண்டியிட்டாள்..

அவள் முன்னால் சாம்பலி செத்துக்கிடந்தாள்..

தொண்டை குதறப்பட்டிருந்தது..

சாம்பலி ஒரு ஊர்க்கோழி.. நேற்றுத்தான் தனது 3வது முட்டையை இட்டிருந்தாள்.. இரவு கோழிக்கூட்டினை அடைக்கும் போது ,கோழிகளை எண்ணி சரிபார்க்க மறந்து விட்ட ராசம்மா , இப்போது அநியாயமாக கொல்லப்பட்ட சாம்பலியை சடலமாக பார்த்து அழுது கொண்டிருந்தாள்.. எப்போதும் தன் காலைச்சுற்றிவரும் சாம்பலி செத்த கோபத்தில் திடீரெண்டு கத்தினாள் ....

“நாசமாப்போன சனியனேஏஏஏஏ! உன்னை பிடிச்சு உரிக்காம விடமாட்டன் ”

மறுபடியும் ஒரு காக்காய்க்கு ஹாட் அட்டாக் வந்து விட்டிருந்தது..

அதேவேளை அந்த சனியன் , அதுதாங்க நம்ம வில்லனுக்கு ராசம்மா வைச்ச பெயர், பழைய தபால் பெட்டியொன்றுக்குள் குஜாலாக இருந்தார்..

அவர் ஒரு மரநாய்..

ஆங்கிலத்தில் weasel என அழைப்பார்கள்…

ICE WEASEL

Mr.சனியனுக்கு இப்போ சாப்பாடு சரியா கிடைப்பதில்லை.. அவர் வழமையாக சாப்பிடும் எலி ஓணான்கள் அவரது ஏரியாவில் அருகிவிட்டன.. அதிஸ்டவசமாக நேற்று மாமரத்தடியில் சென்று கொண்டிருந்தவேளை , சாம்பலி தூங்கிக்கொண்டிருந்தது கண்ணில் பட்டுவிட்டது.. நைசாக ஏறி கழுத்தை கடித்து சூடான ரத்தத்தை குடித்துவிட்டு உடம்பை மறைவிடத்துக்கு இழுத்துச்செல்லும் வேளை ராசம்மாவின் நாய் குரைக்கும் சத்தம் கேட்கவே பாதியில் ஓடவேண்டியதாகிவிட்டது..

இப்போ ராசம்மாவின் சபதம் , Mr.சனியனை பிடிக்கும் அவளது பழைய பல சபதங்கள் போல காற்றில் வந்து அந்த மரநாயை கடந்து போனது…

மரநாய்கள் Mustelidae குடும்பததை சேர்ந்தவை..அந்த குடும்பத்தில் உதாரணங்களாக martens, badgers, river otters, ferrets, skunks போன்ற விலங்குகளை நீங்கள் அறிந்திருக்கக்கூடும்..

MARTEN

BADGERS

RIVER OTTERS

வளர்ந்த மரநாய்கள ஒரு அடியிலிருந்து இரண்டு அடிவரை வளர்க்கூடியவை.. பெரும்பாலும் வளைகளில் வசித்தாலும் பெட்டிகளிலோ மரப்பொந்துகளிலோ அடர்ந்த பற்றைகளிலோ கூட வசிக்கக்கூடியவை.. சிறுசிறு பிராணிகளை உணவாகக்கொள்ளும் இவை சிலவேளைகளில் பறவைகளையும் அவற்றின் முட்டைகளையும் உணவாகக்கொள்கிறன.. poultry farm வைத்திருப்பவர்களின் பிரதான எதிரியியாகிய இது ஒரே தடவையில் பல இலக்குகளை கொன்று அவற்றின் உடலங்களை பிற்கால தேவைகருதி சேகரிக்க முயலும்.. தலையில் அல்லது கழுத்தில் தாக்கி இரையின் சூடான குருதியை குடித்தபின்னர் தன் மறைவிடத்துக்கு இழுத்துச்செல்ல முயலும்…

தினமும் 25 மிலீ அளவிலான நீர்த்தேவை இவற்றுக்கு உண்டு.. ஆகவே அருகாமையில் நீர்வசதி உள்ள இடமாவே தமது கூட்டை அமைத்துக்கொள்ளும்.. தமது மேய்ச்சல் அல்லது வேட்டைப்பகுதியாக தம் வளையிலிருந்து 40 ஏக்கர் பரப்பளவை வரையறுத்துக்கொள்ளும்.. பெண் மரநாய்கள் 9மாத கர்ப்பத்திற்கு பின்னர் 6 தொடக்கம் 9 குட்டிகளை ஈனும்.. அவை வெறும் 4 மாதங்களில் வேட்டைக்குத்தயாராகி பின்னர் ஓரிருமாதங்களில் இனவிருத்திக்கும் தயாராகிவிடும்..

இவை ஏதாவது பிராணிகளால் தாக்குதலுக்குள்ளாகும் போது ஓரு தாங்கமுடியா நாற்றத்தை வெளிவிடும்.. அதுவும் இவையது சகோதராமான ஸ்கங்க் தன்னுடைய காசை அடித்தால் நாற்றம் தாங்க முடியாமல் மனிதர்களே மூர்ச்சை போட்டுவிடுவார்கள்.. சக்கை நாற்றம் பிடித்த பிராணிகள் இவை.. ( இதே டெக்னிக்கைதான் கழுதைப்புலிகளும் கையாளும்.. சிங்கம் கூட முருகா என்று கத்திக்கொண்டு மூக்கைச்சீறியபடி ஓடும்.. )

SKUNKS

இவற்றுக்கு எதிரிகள் என்று யாரும் இல்லை.. ஏதாவது மூக்கில்லாத பாம்புகள் பிடித்து விழுங்கினாலொழிய மற்றும்படி இவை உணவுச்சங்கிலியின் உச்சத்தில் இருக்கிறன.. இது எல்லாம் அந்த Mr.சனியனுக்கு தெரிந்திருந்ததால் சாவகாசமாக அன்று இரவும் வேட்டைக்கு புறப்பட்டது..

மரநாய்கள் வேட்டைக்கு ஒருநாள் சென்ற இடத்துக்கு அடுத்த நாள் செல்வதில்லை.. ஆகவெ Mr.சனியன் பாத்ரூம் பக்கமாகபோய் நெல்லு மூட்டை அடுக்கிவைக்கப்படும் இடமாக சென்றது.. எங்கோ எலிவாசம் அடிப்பதை அதன் மூக்கு உணர்ந்ததும் விறுவிறுவென்று அந்தப்பக்கமாகச்சென்று ஒரு குறுகிய நுழைவாயிலூடே ஒரு பெட்டிக்குள் புகுந்தது.. அங்கே ஒரு எலியொன்று கட்டிப்போடப்பட்டிருந்தது..பாய்ந்து எலியை கவ்வியகணத்தில் வந்த வாயிலிலின் முன்னே படீரெண்டு ஏதோ விழுந்து அடைக்க ராசம்மாவின் மகன்மார் செய்து வைத்த பொறிக்குள் அகப்ட்டுக்கொண்டதை உணர்த்து சீறியபடி சுற்றிசுற்றி Mr.சனியன் ஓடலானது..

கடைசியாக ராசம்மாவின் சபதம் நிறைவேறும் வேளை நெருங்கியருந்தது.. ஆனால் ராசம்மா தன் மூக்கை முருகப்பெருமானுக்கு நேர்ந்து வைத்துவிட்டு சபதகாரிய்ஙகளில் இறங்கிருப்பாள் என நம்புவோமாக..

மரநாய்கள் துணிச்சல் மற்றும் ஆர்வமுடையவை.. அதைவைத்துத்தான் அவற்றை பொறிவைத்து பிடிப்பார்கள்.. மேலேயுள்ள படங்களை பார்த்துவிட்டு ஆஹா பிடித்தால் கொண்டுபோய் வீட்டில் வடிவுக்கு வைக்கலாம் என்று யோசிப்பவர்களுக்கு ஒரு செய்தி..

மேலே காட்டப்பட்டவை வெளிநாட்டு PR உள்ள மரநாய்கள் ...

நம்ம லோக்கல் மரநாய்கள் இப்பிடித்தான் இருக்கும்.. வளர்ப்பமா? :P

ஆங்?

Similar Earlier Posts

*********************************

அடிக்கடி ஒரு ஜீவன் : இன்று LOSCAN

அடிக்கடி ஒரு ஜீவன் : இன்று Lyre Bird

அம்மாளாச்சி தாயே!

2010-02-02T14:26:00.008+05:30

தலைப்பை பாத்திட்டு சிறுகதை அப்பிடி ஏதாவது நினைச்சீங்களெண்டால் நான் பொறுப்பில்ல..
இந்த வசனம் சின்ன வயசில பொம்மர் குத்தும் போது எங்கட அப்பம்மா கத்துவது.. அதாலதான் என்னுடைய ஒரு கட்டுரைக்கு இப்பிடி ஒரு தலைப்பு.. இங்க நான் கதைக்க போறது சமயபாடம் சிறுவயதில நமக்கு தேவையா என்பதை பற்றித்தான்.. ஆறுதலா தலைப்புக்கும் உள்ளடக்க த்துக்கும் லிங்க் எடுப்பம்.. இப்ப தொடர்ந்து வாசியுங்க..

நான் படிச்சது ஒரு கிறஸ்தவ பள்ளிகூடம்.. அங்க 98 வீதம் சைவர்கள்தான் படித்தாலும் கோயில் கிடையாது ஒரு சேர்ச் உண்டு.. புதன் கிழமைகளில் ப்ரேயர் எண்டு கிறஸ்தவ மாணவர்கள் சேர்ச்சுக்கு சென்று விட ,சைவர்கள் எல்லாரும் பெரிய மண்டபமொன்றில் கூடி தேவாரம் பாடி ,ஏதாவது ஒரு நாயனாருடைய கதையை வாசிச்சு , எவராவது பக்திப்பழத்தை கூட்டியாந்த ஒரு பிரசங்கத்தை வைச்சு, எல்லாரையும் காலங்காத்தால நித்திரையாக்கிட்டு ஒரு மணித்தியாலம் கழிச்சு கொட்டாவிவிட்டபடி கிளாசுக்கு போவம் .. இதைப்பார்த்து கடுப்பான எமது அதிபர் (அவர் சைவராயிருந்த கிறிஸ்தவராகியவர்) உடனடியாக தான் களத்திலிறங்கி நிகழ்ச்சி அட்டவணையை தானே தயார் செய்தார்.. பெரும் எடுப்புகளுடன் புதிய மிரட்சியூட்டும் கள அமைப்புகளுடன் ஒரு புதன்கிழமை நிகழ்வு ஆரம்பமாயிட்டு..

முதலாவது ப்ரோக்கராம் பட்டி மன்றம்.. என்டா தலைப்பென்று பாத்தால்
”சிறந்தவர் யார்? சம்பந்தரா? அப்பரா ? சுந்தரரா?" ”

முக்கோணப்பட்டி மன்றமாம்.. புது அப்ரோச்சாம் எண்டு வெளிக்கிட்டு முதல் பத்து நிமிசம் தேவாரம் கீவாரம் எல்லாம் பாடி ஒழுங்காத்தான் பொச்சு.. பிறகுதானே பிரச்சினை பூதாகாரமா வெளிகிட்டிச்சு..
முதலில தத்தமது நாயனாரின் பெருமையள சொன்னவங்கள் பொயிண்ட்ஸ் பற்றாக் குறையால மற்ற நாயன்மாரை எல்லாம் தாக்க வெளிக்கிட நாயன்மார் வரலாறு நடு ஹொலில கிழிஞ்சு தொங்கியது..

”டேய் .. பதினாறு வயசில கலியாணம் கட்டுறது க்கு அலைஞ்ச கபோதி அவன் .. கள்ளப்பால் குடிச்ச கஸ்மாலம்.. அவனுக்கு வக்காலாத்து வாங்கிறியா நீ?”

”டேய் அவன் கிழட்டுப்பயல் ! களவாணி ! சமண சமயத்தில இருந்து வயித்தாலடி வந்துதாண்டா ஓடியாந்தவன்.. அவனுக்கு சப்போட்டா நீங்களெல்லாம் ஒரு டீம்.. நம்ம ஆள் வைச்ச பெயர்தான்டா அப்பர்.. மருள்நீக்கியெண்டு கேட்டால் ஒருபயலுக்கும் தெரியாது.. ஒரு கதவைத்திறக்குவே நம்ம ஆள் வரணும்.. இதுக்குள்ள பெருசா வந்திட்டின..”

திடீரெண்டு எழுந்த இந்த வாத்தால் எல்லாரும் ‌ ஹோஹோ எனச்சிரிக்க , இது என்னடா புதுசா இருக்கே பெடியங்கள் சிரிக்கிறாங்கள் எண்டு கடைசி சீட்டிலிருந்து தூங்கிக்கொண்டிருந்த மௌலீ வாத்தி எழும்பி , சுதாரித்து , நிலையை விளங்கி , மேடைக்கு ஓடிச்செல்வதற்குள் எல்லா நாயன்மாருக்கும் கள்ளக்காதலிகள் உருவாகியிருந்தார்கள்..

அன்றைய அந்தச்சம்பவம்தான் எனக்கு சமயம் குறித்தான எதிரான சில கருத்துக்களை விதைத்தது.. ஏன் நாம் சமயத்துக்கு எதிராக சிந்திக்காமல் அதன் வழியிலேயே சிந்த்திக்கிறோம் என்று ஒரு வினா தொடுக்கப்பட்டது.. இப்போது அது ஒரு உச்சமாக பல தேடல்களுக்கும் குழப்பத்துக்கும் வழிவகுத்துள்ளது..

சிறுவயதில் பொய்சொல்லாமல் களவெடுக்காமல் இருக்க இந்த சமயமும் சாமியும் எனக்கு பயமுறுத்தி வழிநடத்திச்சென்றனதான்.. அதை மறுப்பதற்கில்லை.. அதற்காக அத்தனை புளுகுக்கதைகளையும் ( உதாரணத்துக்கு பிள்ளையார் டான்ஸ் ஆடி நிலா தேய்ந்த கதை) புகழ்பாடும் தேவாரங்களையும் கற்பித்து பின்னர் அதை ஒப்பிக்க தவறும்போது கிளுவம் தடிகளால் எங்கள் மீது ட்ரம்ஸ் வாசித்து எத்தனை கொடுமைகளை செய்தார்கள்.. இப்போது நினைத்தால் பல்லெல்லாம் நறுமுகிறது.. அந்த நேரத்தில் ஐந்தாறு பாரதியார் பாடல்களை படிப்பித்திருக்கலாம்.. ஏன் அப்படிச்செயகிறார்கள்? இந்த ஐடி யுகத்திலும் சற்றும் சிலபஸ் மாறாமல் சமயபாடம் இருக்கிறது .. சரி அப்பிடி இரந்தாலும் அதை ஏன் ஒப்சனல் பாடமாக மாற்றக்கூடாது..

எங்களுக்கு கோயிலுக்குப்போகும்போது எப்படிப்போகணும் எண்டு 2ஆம் ஆணடில சொன்னவங்கள்.. குளித்து புத்தாடை அணிந்து பூு எல்லாம் கொண்டு கோபுரத்தை கண்டா அதுக்கொரு சலூட் அடிச்சிட்டு உள்ள பொகணும் எண்டு.. அப்பிடித்தான் அண்டைக்கும் 42வது லேனுக்கு பக்கத்தயும் பளிச்சுபளிச்சசெண்டு குமரியள் பொக நானும் என்னடா புதுக்கோவிலாக்கும் எண்டு எண்ரியை குடுத்துட்டன்..

உள்ள போனா ஒரே சனம்..
ப்ரொஜக்டரில அம்மாவகவான் புருசன் சகிதம் சுவரில விழுகிறா..

ஒருத்தர் சூமிங் சரி பண்ணுறார்.. இன்னொருத்தர் சும்மா 7 வே சப் வூபர் சறொண்டிங் சிஸ்த்தில bass ஹையா வைச்சு பக்ரௌண்ட் மியுசிக் குடுக்கிறார்.. ஏதோ றிமிக்ஸ் பக்திப்பாட்டாம்.. நான் பொலோ பண்ணிப்போன பிகருங்களெல்லாம் சும்மா ஜம்பிங்கில , சின்ப்பிள்ளையள் நேசரில றைம் சொல்வது போல முணுமுணுத்தபடி ஆடி ஆடி கும்பிடுதுகள்..

இருந்தாப்போல ஏதோ தீபம் காட்டப்போறாங்களாம் எண்டு சனம் அடிபுடிப்ப‌ட , நானும் ஏதோ LED பல்பில செஞ்ச பஞ்சாராத்தியா இருக்குமோ எண்ட நப்பாசைல எட்டிப்பாத்தன் ..
பாத்தா பழைய டெக்னிக்குதான்..

கற்புரப்புகை ப்ரொஜெக்டர் ஒளிபட்டு பூதாகாரமாய் பின்னால் விழுந்தது.. முன்னுக்கு அடிபட்டு பஞ்சாராத்தியை தொட்டதுகளெல்லாம் பத்து பதினைஞசு வயசுக்குள்ள உள்ளதுகள்.. ஏதோ கவலையா இருந்திச்சு..

சமயம் படிப்பிங்க பாஸ் பிரச்சனையில்ல.. எது எது நெறியில்லை எண்டு சொல்லிகுடுங்க.. நீங்க கடைப்பிடிக்க வேண்டிய நெறி எப்பிடியிருக்கணும் எண்டு சொல்லி குடுங்க.. அத்தோட கடவுளை வைச்சு ஏமாத்துறவங்களை எப்பிடி கண்டுபிடிக்கணும் தண்டிக்கணும் எண்டு சொல்லிிக்குடுங்க .. எங்கட பழைய சமூகம் விட்ட பிழையளாலதான் பல முடிச்சவிக்கிகள் அப்பாவி சனங்களிண்ட காசுகளை சுருட்டுறாங்கள்..

எனக்குப்பயம் எவனாவது அம்மா பகவான் பக்தன் புத்தகவெளியீட்டு திணைக்களத்தில இருந்தால் , விரைவில அவா ஸ்கைப்பில குடுத்த உரைய ஆண்டு ஒண்டு சமய புத்தகத்தில பப்ளிஸ் பண்ணிடுவாுனோ எண்டதுதான்..
பாப்பம்..

அம்மாளாச்சி தாயே காப்பாத்து!

பிகு: 60 வயதுவரைக்கும் தேடிவிட்டு அதுக்கப்புறமும் விடைகிடைக்காமல் உயிரோட இருந்தா மறுபடியும் சைவசமயத்திடம் சரணடைவதே என் திட்டம்..ஹிஹி

புல்லட்டின் *டுமீல்*

ககூனமடாட்டா

கடுப்பைக்கிளப்பும் பெண்கள்- பார்ட் 3 ( strictly for men)

I love you-by Sainthavi

புல்லட் மிக்ஸ்

90/10

கபோதி [ only for boys ;-) ]

கொசுத்தொல்லை

சமூக வலயங்கள்

Social distances

Social Zone : 1.5 மீட்டருக்கும் 3 மீட்டருக்குமிடையில்

Personal Zone : அரை மீட்ருக்கும் ஒன்றரை மீட்டருக்கும் இடையில்

Intimate Zone : 50 சென்டிமீட்ருக்கு உள் நிற்கும்போது

2012 - திகில்கதை

புல்லட் மிக்ஸ்

அவுஸ்திரேலியா அடித்த ஆப்பு..

Recent MODL changes

அடிக்கடி ஒரு ஜீவன் : இன்று Weasel

அம்மாளாச்சி தாயே!

புல்லட்டின் டுமீல்